Ngurte, February 24, 2023, Virthli (ONP): Independent Church of India Kristien Ṭhalai Pawl General Conference a vawi 39-na, Ngurte, CCpura hmanga um chu vawisûn, February 24, 2023 khan Ngurte ICI Biek In ah Conference Rorêl nei a nih. Hi huna hin Agenda 18 lai hritlâng a ni a, ro chi tum tum rêl a nih.
Zân inkhâwm Conference Hall ah hmang nawk a ni a, hi huna hin Evan. Lalphminglien Joute, NTK/MF a'nthawkin Pathien thucha ropuitak el ngaithlâk a nih. Inkhâwm hun sung hin ICI Central Choir le Nk. Grace Ramhlukim, Rev. Thangngur Awardee 2020 han inpâkna hla an inhlan a, Tuiṭhaphai Presbytery KṬP han skits/drama en nuomum tak el an pholang. Hi huna hin solo competition- Rev. Thangngur Music Award 2023 round hnina nei a nih.
