Senapati, October 28, 2022, Vithli(ONP): Manipur Hill district hai laia Badminton inelna insangtak XXth Hill Districts Badminton Championship chu October 24, 2022 khan Senapati hmun ah ṭan niin vawisun a ni tawpni tak hmang a nih. Hi inelna a hin Sinlung Badminton Association (SBA) members/players hai khawm Churachandpur District hmingin an President Pu Lalremruot Parate @Pu Ruotte in inrawiin, category dang dang ah ṭhangin an thaw ṭha hle. Hi Championship Closing Ceremony hun a hin Manipur Badminton Association President Pu Th. Biswajit, Hon'ble Minister, Power, Forest Environment & Climate change, Agriculture ni bawk chu Khuollien a ṭhangin Championship kharna le lawmman semna hai nei a nih. Hi huna SBA Players hlawtlingna changhai chu a hnuoia hai hi an nih;
Under - 17 Girls Doubles Winner
Np. Mayrose D/o Lalthafel, Hmuntha, Saikot le Nk. Florina Kom D/o KG Kom
Under - 19 Girls Doubles Runners-Up
Nk. Joslyn Lalremzo D/o Ramnnunsiem Sanate, Rengkai le Tabitha Kanaanmawi D/o Vanlalhmangai Zote, Rengkai
Under - 17 Girls Singles Runner - Up
Np. Mayrose D/o Lalthafel, Hmuntha, Saikot
Sinlung Badminton Association chun an members hlawtlingna changhai hi a lawmpui hle a, hmatieng pei a khawm hi neka insanglem hratna chang sunzawm pei dingin ditsakna an hlan tawl a nih.
