Guwahati, August 22, 2022, Virthli(ONP): 'Language Education inkhawmpui' chu program induonglawk angin Thlazing 22,2022 dar 11 a.m. in SCERT hawihotna hnuoiah Assam Administrative Staff College, Khanapara, Guwahati ah ropuitaka hmang zo a lo ni tah.
HLS President Dr.VLT Bapui hriselnawna leiin ama aiawin
Pu S.K.Khobung, VP,
Dr. Vanlallien Pulamte, GS
Rev. Lalmalsawm Faihriem le Rokhumlien Parate hai chu hnam aiawin an ṭhang thei,thu hriet a nih. Hi conference hin Assam ram sûnga Sahitya Sabha popo an ṭhang kim vawnga hriet a ni a, palai(delegates) 60 chuong fekhawm a nih.
Hi inkhawm hi Dr. Ranoj Pegu, Hon'ble Minister of Education, Assam in a keiṭhuoi a. Ama le SCERT Director Smt. Anita Devi haia inthawk,'language education poimawzie, Pre-Childhood cares, Pre-Primary Education le Anganwadi kendra hâi poimawna ngaithlâk a nih. Hnamtinin an harsatna thuhai an intluna, HLS khawma an harsatna hieng- ME, HS, HSS, College haia Hmar MIL inchuktirtu hun iemani chena an lo ngên, sukpuitling lova a um thuhai hril nawn a ni a, chun Hmar TET teacher Bengali Medium school haia posting tamtak an um thu hril a ni bawk,hi thu a hin Minister chun 'list mi pe inla, sukfel vat ding a nih' tiin a hril. Pre-Primary, Primary stage a 'nuṭawng' poimawzie, hâi hril rawn a ni deu tak a. Chun,HLS in cl.VI - VIII sûng Hmar chu MIL introduce dinga a ngênna thu khawm, sukfel vat a ni ding thu hriet a ni bawk. ( HLS thua Corpus Fund hnina le a dang2 hâi chu Secretary in a hranin la hung report a tih)
