Responsive Ad Slot

Sielmat Bible College The 37th Graduation Service hmang

Sunday, May 1, 2022

/ Published by VIRTHLI

Sielmat, May 1, 2022, Virthli (ONP): Sielmat Bible College (SBC) chun vawisûn chawhnung dâr 1:30 p.m. khan Roberts Jubilee Chapel Sielmat, Churachandpur- ah Graduation Service a vawi 37-na an hmang. Hun hmasa tieng Ms. Marina Buongpui, Librarian, SBC in Bible châng tiemin ṭawngṭaina a nei a, Rev. Dr. James R. Ruolngul, Academic Dean, SBC in graduate thar hai inhmelhrietna hunser a hmang a, Rev. Dr. J.L. Songate, Principal, SBC in graduate thar hai Certificate inhlânna neiin Rev. B.L. Sandam, Executive Director, MRH & RC a'nthawk convocation address ropui tak el ngaithlâk a nih.

Hi huna hin Rev. J. Thanglur, Secretary, Mission ICI in graduate thar hai ṭawngṭaipêkna a nei a, Mr. Saimon Molsom a'nthawkin Response from Graduate ti thucha ngaithlâk a nih.

37th Graduation Service a hin Bachelor of Theology (B.Th) zo thar mi 9 le Master of Divinity (M. Div) zo thar mi 3 hai kuomah Degree inhlân an nih.

Hi huna hin Rev. Dr. James R. Ruolngul, Academic Dean, SBC le Rev. H.B. Hluothang, Chairman, SBC ha'n  Individual Award chi 7 lai semsuokna an nei a. Award chi hran hran sema um le a dawngtuhai:


1. Rev. Thangler Award For Academic Proficiency: Thangrochung Hmar of B.Th

2. Ms. Lienzakham Award For Missions Studies: Lalsangzuol Hmar of B.Th

3. Rev. Lalngaisang Award For Christian Ministry: Mr. Lalditum of  B.Th

4. Ms. Ngulṭhatling Award For General Contribution: Mr. Thangneilien of B.Th

5. Ms. Vanlalsuong Award For Best Character: Ms. Tabitha Lalremruot of B.Th

6. Elder Dr. Lalzakung F. Tusing Award For Academic Excellence: Ms. Tabitha Lalremruot of B.Th

7. Rev. D. Ruolngul Award For Academic Excellence in M. Div: L. Noel Joute of M. Div

Hunser hmang huna hin ICI Central Choir hai a'nthawkin inpâkna hla ropuitak tak el ngaithlâk a ni a, hun khâr ṭawngṭaina le Bendection Rev. Jonathan Infimate, Lecturer, SBC in a nei a, thingpui le bei tuihnai tak el kîltlâng zoin hun suktâwp a nih.

Vawisuna Graduation Service a hin Degree latu hai lâwmpuitu nu le pa, ṭhen le ruol tamtak an fê khâwm.

Don't Miss
© all rights reserved
made with by Simon L Infimate