Parbung, November 14, 2021, Virthli (ONP): Independent Church of India Hmarbiel North Presbytery Inkhâwmpui vawi 72 na, "Krista Hung Nawkna" (1 Thes.5:2) thupuia hmanga Parbung ICI North Biek In-a November 12-14, 2021 sûnga hmanga um chu hmang zo ni tain, vawizân a lo tumṭiek tah.
Inkhâwmpui hmang a ni sûng hin Pastor L.K. Thanga, Pastor Lalsanglâwm, Pro-Pastor Mesakthang le Rev. Joe Sanghmingthang Khawbung P/S haia inthawkin Pathien thucha ropui tak tak el ngaithlak a nih.
Presbytery Annual Session nei a ni huna khuo hrang hranga inthawka fê khawm Palâi ha'n ro chi tum tum an rêl a, agenda 21 the lût a um hai rêl le hril tlâng niin musical session khawm nei a nih.
Hi huna hin kum 25 rawng bâwl tling tah Kohran Upa hai 'Châwimâwina' inhlân an ni a, Kohran Upa dinga thlang thara um mi 5 hai khawm nam det an nih. Upa dinga namdetna chang hai: Lalnghatlien, (Hmarkhawpui@Sipuikawn), Majorthang (Talan),
Sakhawlien (Parbung 'N'),
Tlânghmingthang (Pherzawl), Zarzolien (Talan).
Inkhâwmpui hmang a ni sûng hin Parbung North KṬP, Pherzawl KṬP le Parbung South KṬP ha'n inpâkna hlapawl an rem a, thlarau ruoi el baka taksa ruoi khawm ṭhe a ni hlak.
Hi huna hin Presbytery sûnga lâwmman chi tum tum hai semna nei a nih. Sâwmapakhat pe rawn tak: 1. Pu Sumlamrawn Hmar (Parbung South), 2. Nk. Sangmantling (Parbung North), 3. Pu Ramhmangai Khawbung (Parbung North)
Faiṭhâm Lâwmman:
1. Pi Lalramhnem (Parbung South),
2. Pi Lalrothieng (Pherzawl),
3. Hmingchullo (Pherzawl).
Râ hmasa:
1. Pu Lallawmsang (Parbung North)
General Fund: Parbung North, Sâwmapakhat percent :Hmarkhawpui@Sipuikawn.
Pastor Lalthangkung-in Inkhâwmpui khârna le mipui fê khawm hai malsawmna'n a'n ṭin zoin Presbytery Khâwmpui vawi 72-na chu khâr a lo ni tah
