~ Augustine R Puruolte
Ṭeithar lum hlawt le, Fûrsûnga Thlai nengnawi
in a châwm Lohnâwm Vatedung ÂIVAWMPUI-THAL-UOP hâng ngawi ngawi hang hme chun,
lunglairûk a hlimthei ngei aw e.
Sienkhawm ka lung awinawna anṭan rêk ding an tah.
Kumthar 2022 hih, Manipur state MLA
inthlangkum ding an tarêk ni âwm a na. Ka Thau ringa, Phairam a ,In ropui tak
tak a chêng a khawsa ha'n, Hmûr tlawrhluoma, Ziel mantam tam leh in-pen-par a,
vawitam an mi hlêm khawma dittâwk neithei dêrlo a, thukhêl ngat ngat mi'nba
dingin, an hung inbuotsai ṭan
mëk ti ka hriet in, pawi ka tih.
Hieng zozai ka rîl-a-ra, ka hrailêng hai,
Zârkhawpui a inthawk, Zâwlkhawpui. Patpuihmun tlangdung le Tuiruongkamhrût a
chêng po po hai, Lung-an-mâwllei an nawh, mi hmangai a bithuder, kum 5 dan zât
a inhlânnawn rawp hi a nih.
Covid hripui lei a thilthlâwnpêk kan dawnghai
kan lâwm a, BPL, AAY le, PM KKissan hai te hi sawrkar a inthawka kan dawng ve
le, tlumte-thlîr a kan thlîr hlak chu a ni el si hi. Kan-i-dawmkâng hai pârṭhi inawrtir nêk a, Pu Modi thlalâk parṭhi inawrtir a, tûktin a Agarbatti raw-ût kan
nuom lem el an tah, (ṭhenkhat
hai chun)
Kum nga danah chau in kan lo in, ei tiem
bithu hai te kha, Fûrpui hnuoi le, Nipui lum ah, thlantui a far zawi zawi lai
khawm, a taka inhril nawn a, thilpêk ding hlu tak tak chilpût a in mi tiem hai
kha hung chawi in min hlan hlak inla ka nuom vei leh.
Tangkarosum chawi in, hung nâwk in ta, ka
Rama luonglût ding in intêl sum hai ma chun, min chaw nâwk ngei in tih. A san
chu maw, kan phîng a ṭâm
a, kan rethei êm an nawm. Nawchizawrnu chun a hur leia a zawr an naw a, a
Insûng intungnungna dinga a zawr a ni lem. vawi tamtak saruokin in mi siem a,
ka mawina le ropuina po po chênchulin, Lal danghai hmusit ka ni zo ta hi.
Hieng zozai nau in mi hringpui a, ka ram
sûnga chêng ei nau-le-te hai ngei hi an ni insawnnaw Chair a inṭhungtir hlaktu cheu chu. iengdinga dawmsângtu
nilo, Phairama mivirkâwngruol hai hi ka thau in inringtir in inringtir el am a
naa.
Fûr ruotui dochât a, Ṭhâlrum Nisalum khawm tuormuolsuo a sâwl êm êm
hlak hai hi an naw maw, Dâwkâng a inṭhungtir hlaktu cheu chu. Hmangai râwlnem le zaidam in min
hlân hlak hi, ka hrai chawi hai leh hin kan awirawp ding am a nih.
In mi
hmangaina ka hrietthiem tanaw a, Tu khawm hin Vâldang mi saitu umtâwl in, biethu
an min hlan zing tah. Ka khuo-le-vêng ṭhenkhat ah hai kutchawi neiin, electionbiethu an hril ṭan ta an tih. sienkhawm, in hmangaina a
vawitamtak inhliema a um, kei LALNU TIPAIMUKH hin, Pawm harsa ka ti tah..
Ka ngaizâwnghai lai a chu, Pu Ngurdinglien
Sanate khan a milo hmangaitak in ka hriet, Fam khawpui a inthawk hung thlîr in,
A hmangaina-vabuchâwi in ka ram hi hung kângfai sien, tiin Pielrâl tieng ka
thlîr rawp hlak.kan nauhai tamtak, hlaw inneitir a asiemlien antam êm an nâwm,
Ka'nnghilthei leeee. Mi hung thlêm ve tu, mithar hung hai khawm.
Hmar upa thuvar in:
'A HOTUPA'N TANGKA DERE A'N RÛK CHUN, A
RAWIHAIIN, TANGKA SÂNG INRU'NG AN TIH' a lo ti hi hung nitho ding in ka ring.
Chawimawi a siemlientu cheu hai lût ngamlona
ding hiel a In ropui ah in chêng a. a siemlientu cheu hai biek ruollo in in Lu
inlei a. Sawrkar thlungpui in a mi pêk Kum upa hai TAR PENSAWN, THLI LE TUI IN
A SUKSIET IN-LO ṬHANGPUINA dâm. IN BÂWLNA, PMAY, le a dang
dang khawm, In fâk mahla chau in min changtir hlak hi, na kan tih, ka hraichawi
hai leh.
In mi hmangai niloin, Ka hming chawi a,
Ramdang siem Rangkachak le Lungmantam hai a inbel a. Hnuoi enlo a tang-in-er
tâwl chau in lo ni hi tie maw.
Sawrkarpa kuthnuoi a bâwl Sikul, Community
hall, damdawiIn,le ect. an chulzo a, ran hai riekrûn an changzo tah. A siemṭhatna sum hlak lâkzosa, awwwww eh!
Pasal dukdaklo in, nunghâk zâwrthlu a, saruok
a dittâwk a a chên hnung a, kawtthlêr a a mâksan ang elin, ka saruokna chu, ṭawngdang hmang, pansak-panthlang hai hmuhawi
ah sukmuolpho in in mi siem ta hi.
Khuo hieng zozai a Sawrkar thawktu hai hi, an
hmêl-le-thla khawm hmu a ni ngainaw a, Natna beidawngna kan tuok pha
BUNGKHAWPUI CHC in enkawlnatlâk a burip nilo chun,pasiet hrim dâwnlo in,
CHURACHANDPUR tieng a mi pêkdawk nâwk hlak si, thipui thamlo natna hai khawm,
rethei luot lei a hmunpui pan zolo a famchang kan tam ta awm ie.
Ziek ding a tam, Zawmnâwk thei nîng a ta.
phairam a a pârtlântu hai dawnlêtna khawm zieksapei tum ei tih.
Bye Bye…
