Responsive Ad Slot

JNV Selection Test Pherzawl ah nei a nih

Wednesday, August 11, 2021

/ Published by VIRTHLI
Pherzawl, August 11, 2021, Virthli (ONP): Vawisun khan district Headquarters Pherzawl High School ah Jawahar Navodaya Vidyalaya Selection Test Exam tluong takin nei a nih. JNV selection test a thang ding hai hi Tipaimukh Assembly Youth Congress hmalaknain coaching thla khat le chenve a thlawnin pek an nih a. Dr. Chaltonlien Amo in Covid 19 test man le hi exam pe dinga fe inchuklaihai chuongna ding motor a tum pek vawng anih.

Tv. Hrilhmingthang, General Secretary, Tipaimukh AYC chun  inchuklaihai hma khuo ngaina leiin JNV exam pe dingin inchuklaihai le nu le pa hai kuomah tha takin inhrilhrietna hun hmang a ni thu le, insung harsa tak tak inchuk zawm nuom hai ta dingin an sawr țangkai ngei a beisei thu a hril a, an tling ngei theina dingin coaching tha taka pek an ni thu a hril a. Coaching tan ani a inthawk le exam hun chena a tul ang ang hung tum pektu Pu Chaltonlien Amo, Tipaimukh MLA chungah lawm um a ti hle thu a hril. JNV Selection Test a hin inchuklai mi 89 exam pe an um a nih.
Don't Miss
© all rights reserved
made with by Simon L Infimate