Responsive Ad Slot

Hmar Medium le inzawma SHAIDC thusuok

Friday, July 9, 2021

/ Published by VIRTHLI
PRESS RELEASE
  Thlahmur 9, 2021

Tarik, Thlahmur(July) 5, 2021 a Virthli lê chanchinthar dang dang a inthawka eilo hriet angin, State Council of Education Research and Training (SCERT), Seminar Hall, Aizawl, Mizoram ah Mizo Medium a pâwl 1 - 5 inchûklaibu hai Hmar ṭawnga inlet dân ding hriltlângna workshop nei ani ti lê a keihnawi thil dang dang rêl lê buoipui ani thû ei lo hriet a.
Hi thu lê inzawm hin Sinlung Hills Accord Implementation Demand Committee (SHAIDC) chun Mobile Conference Meeting a nei nghâla. Committee chun ngun taka a ngaituo in hi thiltlung lê hmalâkna hi Mizoram Sawrkar hin HC order ang dungzui nilo lê, SHAIDC in a bêsan tak ni lova a nuom dân dâna Court Order ûksad lova, a hung thlâk kuol lei hin a mi simbudawi tumna lê mi sukhnûk pei a tumna hmangruo ni nâwk dinga ringna nghettak a nei leiin hieng ang hin thusuok a hung siem ta a nih.

1. Hi hmalâkna fê mêk anga inlang hi SHAIDC in alo beisei High Court order dungzui ani nawh.
Court Order chu, *''In view of the submissions made by the Govt. Advocate, this Court directs the State respondents to comply with Clauses 5.1 and 5.3 of the memorundum of settlement. The State respondent will act upon the above two clauses at the earliest and preferably within a period of one year from the date of receipt of a certified copy of this order.''* ti a ni a.
Hi dungzui hin sawrkar in Gazzete Notification iengkhawm an suo hmû a la ni nawh.

2. Tuta sawrkar hmalâkna anga inlang hi High Court Order WP(C)No.80 of 2016 dungzui a ni nawh.

3. SHAIDC in sirsan nghet dinga a ngai Gazzete Notification um lova, implement thaw zing anga inlang hi innghatna tlâk a ni naw a, hieng ang document siemfawm hai hi Court a inlang huna, sukhnûkna (delay tactic) hmangruo dinga buoipui ni dingin a ring nghet hlê a nih. (Hieng ang hun hi a lo tlung ta hlak leiin.)

4. Hieng anga ei thilphût ei hmu theina ding lampui a sukhnûkna hmangruo siempuitu a lo ṭhang hi a thei chin ah mimal lê pâwl, tuelkhawm lo ṭhang naw ngam dingin SHAIDC chun a ngên takzet a nih.

5. Mimal lê pâwl, tuelkhawma ei hnam lê ṭawng ngîrsuokna ding zâwna, ngaidân ṭha lê thurawn ṭha nei hai thû chu ngaithla dingin SHAIDC hi iengtik lai khawm a'nhawng zing a nih.

Hmar Ṭawng lê Hnam ngirsuok sien.

Ram le hnam ta dingin,


             Sd-
(V.KHAWPUIMAWI)
        Secretary
Information & Publicity
Sinlung Hills Accord Implementation Demand Committee(SHAIDC)
General Headquarters, Sakawrdai, Sinlung Hills, Mizoram.

Don't Miss
© all rights reserved
made with by Simon L Infimate