Patpuihmun, June 29, 2021, Virthli (ONP): Covid hripui inleng leia Tipaimukh biel sunga sawmdawlna le thangpuina sin thaw meka um chu Tipaimukh MLA - Dr. Chaltonlien Amo a Team han Vangai tlang dunga khuo hai, Sartuinek, Patpuihmun, Thingpuikuol, Phulpui, Ngampabung, Thingkal, Kangreng, Kh. Jeikhan, Upper Kharkhuplien, Lower Khuplien a khawtlang thuoitu le Village Task Force hai kutah covid le inzawma thil tul le pawimaw hai inhlanna zani khan an nei, khawtin a task force hai hmang ding thangpuina sumfai khawm an inhlan sa nghal. Hi baka hin Patpuihmun PHC a hmang ding a tul le pawimaw hmangruo hai an inhlan. Dr. Chaltonlien Amo a team hai hin Vangai biela Tuidung le Phaidunga khawtin a hai thangpuina sin thaw nawk dingin an inpuocha mek thu dawng anih.
