Huonveng, June 17, 2021, Virthli(ONP): Vawisun Huonveng, Harangajao ah Huonveng LP School hmun a Hmar Inpui Relief Cell a inthawka ṭhangpuina bufai semna nei a nih.
Huonveng Gaon Bura in Hmar Inpui Relief Cell hai kuoma nasatakin lawmthu a hrila; chun kawng iengkima mi umpuia mi humtu ei Lalpa kuomah khawm lawmthu a hrilsa bawk a nih. Chu chau chu nilovin mipuihaiin an harsat lai taka ṭhangpuina an dawng hi namên lovin an lawm thu a hril.
Hmar Inpui Relief Cell Hqrs. tienga țhuoituhai hung thei naw hai sienkhawm an âiawin Pu Lalsinghuol Țhiek (Area Representative Harangajao) in hi hun hi a ûop bakah khawsûng tienga inthawk HSA, HYA hai khawmin an ûop ve a, ṭhangpuina dawngtu hi In/sungkuo 38 lai an nih.
