Responsive Ad Slot

Hmarkhawlien Village Council in Joint Churches chunga demna thupuong an suo

Thursday, June 17, 2021

/ Published by VIRTHLI
Office of the
HMARKHAWLIEN VILLAGE COUNCIL
Hmarkhawlien, P.O. Fulertal
Pin-788106
District Cachar, Assam. India
ASSAM
Ref No HKLVC/2021/12
17/06/2021

DEMNA THUPUONG

Tarik 16/6/2021 (Nilaini) a Hmarkhawlien Joint Churches chun Hmar khawvela la um ngailo le
awmlo taluoa ro relin Hmarkhawlien VC rorel lai zing chu thilṭha thawtum ni-awm taka Pathien thu
phawa hmang le besana, an KHUONG lo ding nawra khawtlang roreltu chunga uma inngaia VC kut chela a roreina inchutlak dinga thu ansuo hi Hmarkhawlien mipui le VC chun kan dem tak zet.

Hmarkhawlien VC hi Joint Churches in aphun an nawh a, Dan (Constitution)) mumal tak neia um ani leiin VC kut chel theina le rorelna inchutlak pek thei ani nawh ti hi hremawl rawse.

Hmarkhawlien sunga administration hrana um, Hmarkhawlien North Area Administrative hotu haiin Hmarkhawlien VC an hung zawmve ta thu Hmarkhawlien Joint Churches Chairman kuoma inthlun a ni hnung khawma Hmarkhawlien Joint Churches-in Commission an lan tir ṭawk ṭawk hi, remna siemtum nilovin chawkbuoi tumtu an ni zie a sukchieng.

Hmarkhawlien Joint Churches in an resolution copy HPC (Cachar) an pek hin HJC chun
RAMHNUOIMI le in suport tuo an ti thei a nih. Chuleiin Hmarkhawlien VC ṭhuoitu haiin inṭiṭheina kan lo tuok a ni chun, an lekha insuo changchawiin sawrkara inthlun le hma lak ning a tih.

Hmarkhawlien inthuoi Danbu ang taka Kum 2021-2023 sunga dinga mipuiin anthlang ani angin chu thuneina chu kengkaw in a khawsunga Committee pakhat "Joint Churches" tia fe mek hai hin khawtlang himna ding le hmatieng fepeina dinga hnawksak le mi ṭhenkhatin hmangruo a hmanga an nuom nuoma an hêm thei Orginasation / Committee nia anlang leiin Hmarkhawlien Village Council hin disolve theina nei sien khawm a power hmang lovin HVC chun inzatak le dawtheithei takin a disolve nawh a, hmatieng peia ramri hung khel talo dngin hi thupuong hin anhriettir.

Hmarkhawlien Village Council chun Hmarkhawlien Join Churches hi ṭhetlak le sukbo hi athil tum aninawa, inpâw taka hma laktlang hi a thil tum a nih.

Hmarkhawlien khawthlang ta dinga in ṭhahnem ngaipui

(LURA HMAR)
Chairman

(LALKHAWSIEM HMAR)
Secretary
Hmarkhawlien Village Council


Don't Miss
© all rights reserved
made with by Simon L Infimate