Parbung, May 27, 2021, Virthli (ONP): Tipaimukh biel, Pherzawl District sunga Parbung le Ankhasuo Health Centre haia Covid-19 positive hmusuoka um le inzawma Covid 19 dona kawnga thil tul le pawimaw hmangruo chi tum tum Tipaimukh biel sunga Community Home Isolation Centre(CHIC), CHC le PHC a hmang ding- Oxygen Concentrators, Mask, Gloves, Sanitiser, Pher, Covid19 Test Kit, PPE Kits le a dang dang tulai hin Emergency Team haiin inhlanna an nei, mipui mamaw le tul ding hai chu hmatieng peia khawm an thak nawk pei ding thu an hril.
Hi baka hin khawtin a Village Task Force hai hmang ding Covid-19 Kits chi tum tum an inhlan a, Emergency Team hai chun Covid 19 laka inthawka mitin an him theina ding le an vawi mek hai an damsuok vat theina dingin Tipaimukh Assembly Segment a Covid Awareness-Cum- Enforcement Committee Chairman- Dr. Chaltonlien Amo inrawinain Pherzawl CMO- Dr.Phirthanglien Buhril, Pherzawl DC, SDO Staff, Medical Dept., Police Dept., Khawtin VA le Village Task Force hai thang tlangin hma nasataka lak mek a ni thu an hril.
Tulaia a biel sunga thil tlung le inzawmin Tipaimukh MLA- Dr. Chaltonlien Amo chun mipui tuel khawm lo chiai lo dingin a ngen a, a biel mipui hai lai fak le dawn a harsatna tuok an um chun iengtiklaikhawm thangpui an huom thu a hril a, suonginsam a um an um chun a kuoma intlun thei ani thu le Covid 19 laka inthawka a biel mipui hai an him pei theina ding le a lo invawi mek hai khawm tha taka an dam vat theina dinga hma nasataka lak ani ding thu le Covid 19 dona kawnga a hma tawnga thang- healthcare workers hai chu mipuiin lo thlawp seng dingin a ngen bakah social media a hai thu belchieng dawl lo mipui sukthlabar zawnga thu insuo lova ralkanga inthawka intawng el lovin thurawn tha le ngaidan tha hai chu iengtiklaikhawm a lawmlut zing ding thu Virthli Palai a hril.
