Responsive Ad Slot

Hmar Gamosa tlângzarna nei

Tuesday, May 4, 2021

/ Published by Simon L Infimate

Muolhoi, May 04, 2021, Virthli(ONP): HWA Assam Hills Region chun Hmar Gamosa Ngoteker ṭiel ngei a a lo siem suok chu vawisûn khan mipui hmang ṭangkâi thei dingin tlângzarna a nei. Hmar Gamosa hi Pu Rosang Hrangchal President, Hmar Inpui Assam Hills Region chun hlutsak taka tlângzarna hunser a hmang.


Hi hun ah hin; NC Hills sunga hnam ṭhuoitu, HSA, JHQ, HYA,JHQ, HPU ṭhuoitu haiin an uop. HSA JHQ President Pu John Mark Pena le Tv Roger Faihriem Gen.Secy hai lem chu HWA model ah an ṭhang nghe nghe.



Hi hun ah hin, Hmar Gamosa zawrna nei nghal a nih a, hnam pasal ṭha tlâwmngai ko bîk hai chun manto tak takin an inchâwk fai vawng nghal a, Cheng 250/- man ni zing siin, Cheng 2000/- a'nthawk 10000/- chenin an lâk fai vawnga, chuonga sum intling khawl hai chun, Gamosa tam tham tak order nâwk nghal a nih.


Hi Gamosa hi tukhawmin sukdanglam a thil danga inchan lo dingin HWA Assam Hills Region chun mitin kuom ah ngenna a siem nghal bawk.

Don't Miss
© all rights reserved
made with by Simon L Infimate