Responsive Ad Slot

SIELMAT BIBLE COLLEGE REV. TAISEN BLOCK HAWNG

Friday, January 15, 2021

/ Published by Simon L Infimate

TuiÈ›haphai, January 15, 2021, Virthli (ONP): Vawituk 7:30 AM khan Sielmat Bible Collge (SBC) a building thar, Rev Taisen Block chu Rev. Dr. JL Songate, Executive Secretary ICI in a lo hawng tah. Hawngna hunser hi ursûn le puithu taka hmang a n'a, Rev. Michael Z Zote, Registrar SBC, inkhawm È›huoitu niin, Rev. Zathangsing Zate, Secretary Finance ICI in hun hawng È›awngÈ›aina a neia, Rev. Lalneikhup Hmar, Principal SBC, in Rev. Taisen Block bawl a ni dân a reporta, ICI Central Choir a inthawk Pathien inpakna hla mawi tak el, "Chawimawi I Phu" ti ngaithlak a ni bawk. Rev. Taisen Block, building thar È›hatak lawmpuina in SBC Alumni Association Secretary Rev. Hrangtinai le Chairman Rev. T Remthang in SBC Principal kutah lawmpuina thilpêk sumfai an inhlan a,  Rev. HB Hluothangin  hun khar È›awngÈ›ai a nei zoin hun suktawp a na, thingpui le bei ruoi tuhnai tak kîl tlâng a nih. 


Master of Divinity hai umna ding bîka induong building thar, È›ha taka bawl hih, Independent Kohran hming phuoktu,  Pathien ram leia neksawrna nasa tak tuok le a khingtuhaiin Kumpinu Sorkar tha hratna hmanga Manipura khawm um thei lo dinga an hnawtsuok, hla ropui le hlun phuoktu, Rev Taisên hming chawiin REV. TAISEN BLOCK ti a nih. Hi el baka, SBC Library Building tia ko hlak, SBC Building pawimaw tak khawm,  Independent Kohran È›huoitu hmasa, sulsutu pawimaw, Pathien ram nasa taka lo invakvaipui, miril le Thlarau mi REV THANGNGUR BLOCK tia inbûk thar a nih. 


Sielmat Bible College hi April 1, 1980 a kha indin a lo nia, indin a ni tir hin thawktu pahni Rev. Darsanglien Ruolngul le Rev. Lalngaisang chauin an enkawl a nih. SBC Pathien zara hung inÈ›hang lien peiin, tuhin chu ei rama Bible inchukna hmun pawimaw, kum 41 zet hmel hmutah, rawngbawltu: pastor, missionary le evangelist tam tak sersuokna hmun a lo ni der tah.  SBC hi, tuhin Master of Divinity chen inchuk thei an tah.

Don't Miss
© all rights reserved
made with by Simon L Infimate