Responsive Ad Slot

HPC(D) Manipur Region in Shillong Hills, Rengkai a silai puok an dem

Friday, November 6, 2020

/ Published by Simon L Infimate

CCPur, November 6, 2020, Virthli(ONP): HPC(D) Manipur Region Town Commander Josh Hmar chun November 02, 2020 (Thawṭanni) zana Shillong Hills, Rengkaia silai hmetpuok a um chu an dem hle thu le hieng ang thil tlung ta ngai lo dingin a hnuoia ang hin thusuok a siem.

..............................

PRESS RELEASE

Thlaphal 06, 2020


Tarik 2nd November, 2020 (Thawṭanni) dar 8:00pm bawr lai vela Shillong Hills, Rengkai veng sung le mi compound sung ngeia Mr.Sisiem Vaiphei in hnam ṭhuoitu le Rengkai khawtlang ṭhuoitu ha'n MUONGNA KHUO tia an puong Rengkhawpui sunga ngei inza lo le mawilo taka nu le nau sukthlabar zawng le tulai ei khawvel COVID- 19 buoina kara silai a kap puok hi HPC D Manipur Region chun a dem tak meu a. Mr. Sisiem Vaiphei hin Rengkai khuo hmusittak le silai hai chen zalen taka a kap thei hi iengleia thaw le ieng pawla ṭhang, nina nei am a na? ti chu ngaidan sukbuoitu pakhat a nih. Chun, hieng ang nu le nau sukthlabar zawnga khawsak le silai kap puok mei mei hi mi tu el khawma thaw nawk ta ngai lo dingin HPCD Manipur Region chun mimal amanih pawl tum tumhai kuoma ngenna a siem nghal a nih. Tuta hnung chu hieng anga MUONGNA KHUO le HPC-D Manipur Region operation area sunga insuk thlabarna um ta ngailo dingin mitin inhrietirna le ngenna siem a nih.


(JOSH HMAR)

Town Commander

HPC-D Manipur Region.



Don't Miss
© all rights reserved
made with by Simon L Infimate