Muolvaiphei, October 3, 2020, Virthli (ONP): HSA CCpur JHQ huoihawtnain vawisun khan Victor Rest Farm, Muolvaiphei ah HSA a kum 81 tlingna ursun takin inser a nih. Hun hmangna hi Catherine Ruolngul le Ramngaium Songate haiin an keithuoia, Pu Jeffry L. Saihmang, President, CCpur HSA JHQ in lawmlutna thucha hrilna le khuollien hai thilpek inhlanna a nei.
Hi huna hin HSA Flag keipharna Pu Francis Songate, Gen. Secy, Hmar Inpui in a nei.
Hi huna chief guest dinga fiel Pu Roland R. Pulamte, Former President, HSA CCpur JHQ chu remchang nawna leiin a hung thang thei nawa , a aiin a hun hluotu dinga a ruot Pu Ramte chu Chief Guest in a thang a, Guest of honour dinga fiel Pu Chawngneilien, Proprietor, RC&AC khawm remchang naw leiin a hung thang thei naw leiin a ai awtu dinga a ruot Lalsansuok Pulamte hmang a nih. Chief Host in George F. Tuollai, Secy., Public Relation, HSA GHQ a thang.
Hi huna hin khuollien hai anthawk thuhril ngaithlak ani baka Rev. Lalsiemthar Joute, adviser, CCpur HSA JHQ anthawk Gospel message ngaithlak a ni bawk, hi hunser hi sawrkarin SOP an duong hai zawm zinga hmang a nih.
Hi hunser hmang ani sung hin Albert Tusing le Deborah Lalnunmuong haiin hnam hla sakin mipui fekhawm hai an inawi a, vote of thanks Eric L. Fimate, Gen., Secy., HSA CCpur JHQ in hrilna a nei zoin ruoi kiltlang niin hun suktawp a nih
