Responsive Ad Slot

SoJob Review: SoJob hi iem a ni a? Scam a ni?

Monday, August 17, 2020

/ Published by VIRTHLI

Facebook lût hlak hai reng reng chun Binod ei hriet naw khawmin, SoJob hi chu a hmu naw ei um mang ring a um ta nawh. A tâwi thei ang takin SoJob umzie le pawisa lam theina a ni tak tak le a ni tak tak nâw hung tarlang tum ei tih.

To read an in-depth review and a comprehensive guide on how to make money with SoJob, follow the link (written in English).

An website-a a'n ziek dân dungzui chun, SoJob hi mani social media page-a advertisement chi dang dang post-a, pawisa lam theina a nih. 

Amiruokchu, chipchier taka SoJob a'nthawka social media posts hai ei en chun, midang (third-party merchants) a'nthawk advertisement pakhat khawm a la um nawh a, SoJob suklârna vêk a ni ngat naw chun, Amazon Associates programme-a SoJob hai referral link a ni hlak.

Chu umzie chu, member haiin membership fee - Rs. 999 (Silver) le Rs. 9999 (Gold) - an pêk hai ti lo chu SoJob hin pawisa hmuna dang a nei nawh.

Anleh, iengtinam SoJob-in member hai kuomah pawisa a pek dawk thei a?

Member hlui haiin sin (social media posts) an thâwnaa an hlâw le member thar an hung ṭhuoilût zâta pawisa an hmu hai chu, member thar hai pawisa deposit a'nthawk pêksuokin a um a; chuong ang bawk chun, a thar haiin midang an hung ṭhuoilûtnaa pawisa hung intlingkhâwm chu anni hlâw pêknaa hmang a hung ni ve thung pei a nih.

Hieng ang scam hi sapṭawng chun Ponzi scheme an ti hlak a, mani hnuoia downline siem peia, pawisa hung intlingkhâwma, a chung Tier-1 a um hai hlâw pêknaa hmang nâwk thung pei hi Pyramid scheme khawm an ti hlak bawk.

Hun iemani chen a riel hnungin, member khawm an ṭhahnem thawkhat hunah, annawleh, Sorkar a'nthawk enquiry dâm a hung um hunah, scam thawtu hai hin an website le app po po sukbo vawngin, pawisa tam tâwk tak intlingkhâwm tâk chu tlânhmangpuiin, member thar, mani muol khawm la lam dawk lo hai ta dingin beidawngna nasa tak an intlun hlak.

SoJob member haiin pawisa an hmu tak tak am?

Tuchena chuh member haiin pawisa an la hmu ṭha hle. Member haiin Rs. 1000 an hmu tling ta chun withdrawal request siemin, an bank account-ah an hung deposit el hlak. An deposit-na screenshot khawm hmu ding tam tak a um.

A lo thaw hmasa deu hai lem chu nitina Rs. 1000 - 5000 lam phâk ta khawm an um hiel.

Member haiin iengtin taka pawisa hi an lam am a n'a?

SoJob hin membership level pathum a nei a - Bronze (free), Silver (Rs. 999) le Gold (Rs. 9999). 

Bronze hai hin ieng anga tam pawisa lo hmu dawk hai sien khawm, an keidawk nuom hunah Silver level-a bêk an membership an upgrade naw chun pawisa an keidawk thei chuong ngai naw leiin anni chungchang chu tarlang da'l ei t'a.

Silver member haiin a hnuoia ang hin pawisa an lam thei:

* Nitin Facebook, Instagram annawleh Twitter-ah post pahnih siemin Rs. 100 an lam thei.

* Silver le Gold Member thar (1st Tier) an ṭhuoilût zâtin Rs. 100 hmu’ng an ta, an member ṭhuoilût haiin member dang (2nd Tier) an hung ṭhuoilut ve thung zâtin Rs. 100 dang hmu sa pei bawk an tih.

* An member ṭhuoilut 1st Tier haiin nitin posts an siem a Rs. 100 an hmu zâtin, anni’n Rs. 40 lo hmu’ng an t’a, 2nd Tier hai a’nthawk Rs. 20 hmu ve thung bawk an tih.

Gold member hai ruok chun a hnuoia ang hin pawisa an lâklût ve thung:

* Nitin social media posts pahni a’nthawk Rs. 400.

* Silver member an ṭhuoilut hai a’nthawk 1st Tier ah Rs. 100, 2nd Tier ah Rs. 100 le 3rd Tier ah Rs. 50. Chun, silver member haiin social media post an siem pha, 1st Tier hai a’nthawk Rs. 40, 2nd Tier hai a’nthawk Rs. 20 le 3rd Tier hai a’nthawk Rs. 10 hmu bawk an tih.

* Gold member an ṭhuoilut hai a’nthawk 1st Tier ah Rs. 800, 2nd Tier member ah Rs. 800 le 3rd Tier member ah Rs. 400. Gold member haiin posts an siem zat nitin 1st Tier hai a’nthawk Rs. 200, 2nd Tier hai a’nthawk Rs. 80 le 3rd Tier hai a’nthawk Rs. 40 an hmu bawk.

Member, taima taka mani downline ding zawng pei hai ta ding chun kârkhat sûng ringawt khawmin chêng tam tak hmusuok thei a nih.

Ieng chen am SoJob hi um a t'a? Ka join ve ding?

Hieng ang get rich quick scheme reng reng hi chu a dai sâwt ngai naw a, ieng chen chie am an thaw sunzawm ding chu hriet thei a ni nawh.

I lo join vat a, i muol bâkah cheng sang tam i lo lamsuok hman chun i vângnei ni’ng a t’a. I muol khawm i hmukîr hman hmâ'n an hung suktawp thuta, i pawisa deposit hai an tlânhmangpui vawng chun a vângduoi pâwla mi chu ni ngei i tih.

Ieng po khawm ni sien, SoJob hi i lo ṭhang nuom a ni khawmin, pawisa chuongliem i nei a ni ngat naw chun, fîmkhur dingin ei hung inngân a. Fâkzawngna tak taka hmangna chî chu ni kher naw nih.

I join nuom ṭâl a ni chun, hi link a’nthawk hin hung join ve rawh aw: https://sojob.in/home/publics/reg/smid/83476.html (note: referral link)

- A review by Mia Varte

Don't Miss
© all rights reserved
made with by Simon L Infimate