Responsive Ad Slot

Sawrkar le KNO in SoO an keisei; Internal buoina leiin UPF hun danga dingin ti

Monday, August 17, 2020

/ Published by Simon L Infimate

Imphal/Manmasi, Aug. 17, 2020, Virthli: Feb. 21, 2020 ni a SoO an lo ziek chu Aug. 31, 2020 hin a lo tawp nawk tah ding leiin vawisun 11:00 AM - 12:40 PM khan Sawrkar le KNO hai chun 1st MR Auditorium, Imphal hmun ah meeting pawimaw tak neiin Aug. 17, 2020 a inthawka tiemin Feb. 28, 2021 chen (thla 6 sung) a dingin SoO an keisei. UPF tieng ruokchu internal buoina an nei leiin hun danga dingin la ti hri phawt niin SoO hi hun a hin sawrkar le an keisei/la ziek ve naw phawt a nih.


Chun, hi SoO lekha a countersign khawm India sawrkar aiaw'n Satyendra Garg Jt. Secy. (NE), MHA, Govt. of India in a thaw ding chu Covid-19 boruok leiin hi hun a hin a hung ṭhang thei naw a, SoO lekha hi thawn ning a ta, countersign a la thaw ding a nih. KNO tienga chun David Hangshing, T. Samuel Kuki le TS Haokip haiin SoO a hin pawl aiaw'n hming an ziek (suoi an kei) a, Manipur sawrkar aiaw'n H. Gyan Prakash, Special Secy. (Home), Govt. of Manipur le Ashutosh Kumar Sinha IPS, ADGP (Intelligence), Manipur ha'n hming ziekin hi SoO dungzui hin ground rules khawm a pangngaiin la um zing a tih.


Hi hun a KNO palai hai chu- 1. Kuki National Organisation : TS Haokip, Defence Secretary 2. Kuki Revolutionary Amy: David Hangshing, Vice-President 3. Kuki National Front (Samuel) : T Samuel, Home Secretary 4. Kuki National Front (Z): Joshua Haokip, C-in-C 5. Zou Defence Volunteer: LM Dino Zou, C-in-C 6. United Komrem Revolutionary Army: Thangboi Karong, C-in-C 7. Hmar National Amy: Lalṭanpui Hmar, C-in-C le 8. PAKAN Army: Milan Tingpa, C-in-C hai an nih.


[Covid-19 boruok leia social distancing hmang (maintain) a nina leiin hi hun a thlalak khawm dit angin a um thei naw leiin ei hung suklang naw a nih.]

Don't Miss
© all rights reserved
made with by Simon L Infimate