Responsive Ad Slot

Parbung ah Public Water Tank hawngna nei a nih

Monday, August 17, 2020

/ Published by Simon L Infimate

Parbung, August 17, 2020, Virthli (ONP): Hun iemani chen a inthawka Parbung Youth Congress in khawtlang mamaw Public Water Tank an siem chu zofel ni tah in August 16, 2020 chawhnung dar 1:00 PM khan a hawngna hunser Dawrkawn zawl-ah ursun takin hmang a nih.


Hi hunser hi Pu Lalneimuong Infimate-in a keithuoia, Bonner J.S. Buhril-in tawngtaina'n hun a hawng zoin Parbung Youth Congress Secretary- Tv. Hrilhmingthang-in Tanky hlawtling taka bawl zo ani dan hai report a pek a. Hi huna thu a hrilna a chun an hnina hai hung ngai pawimaw-a a tul ang ang hung tum pektu Tipaimukh MLA- Dr. Chaltonlien Amo chungah Youth Congress hmingin lawmthu a hril a, hi Tanky bawlna dinga a hmun le hmang Parbung Village Authority han an phalna chungthuah khawm Youth Congress hmingin lawmthu a hril.


Public Water Tank hawngna le thuhrilna Pu L. Tlanthang, Chairman, Village Authority, Parbung in a nei a, hi huna thu a hrilna a chun bieltu MLA- Pu Dr. Chaltonlien Amo-in Parbung khawtlang tui harsatna hrie a hieng tui siekhawlna khawtlang tading a hung thaw hih lawmum a ti hle thu a hril a, Youth Congress hai khawm khawtlang sukhmasawnna dinga an hmalak na hai chu inpakum a ti thu hrilin khawtlang rawng an bawlna ah  thahnem ngaitaka bawl sunzawm pei dingin a ditsakna an hlan tawl. Public Water Tank hawnga um hi Pastor Lalremruot-in Pathien kuomah inhlanna a nei zoin Parbung Youth Congress President- Tv. Lalremruot-in khawtlang thuoituhai kutah Tanky hi inhlanna a nei.


Hi huna Parbung Youth Congress Advisor- Tv. Lalchunghnung-in thu a hrilna a chun khawtlang thuoituhai le Youth Congress hai chu hmatieng peia khawm khawtlang suk hmasawn na dinga thang tlang pei hlak ding le in support intuo pei dingin ngenna a siem a, Pathien kuomah tawngtaina a nei zoin hun hi khar a nih. 



Programme hmang ani zo hin refreshment inhnik tak el kiltlang a nih. Hi hunser hi Parbung VA, HWA, HNU, PSA le VAL UPA hai khawma an uop a, Youth Congress chun hi hunser  ngai pawimaw-a hung uop tuhai po po chungah an lawmthu an hril.

Don't Miss
© all rights reserved
made with by Simon L Infimate