Patpuihmun, August 15, 2020, Virthli(ONP): Independence Day a vawi -74 na chu khan Vangai Range Divisional HQ innghatna Patpuihmun khuo ah khawm zing dar 9:00AM khan hmang a nih. Hi huna hin Pu Derick L. Khawbung, SDO, Vangai Range in India Puonzâr D.R. Thruoma Memorial Hall tuol ah keipharna a nei. Hmun dang haia an hmang ang bawkin hi hunser a hin fiel bik le chanvo neihai le sawrkar thawktuhai chau an thang a, mipui pung khawm a um ve nawh.
Hi huna hin Vangai-tlanga khuo hran hran a Village Authority members le khawtlang thuoituhai an thang bakah Vangai Range Sub Division huop sunga sawrkar official hai an thang a, hi huna hin Vangai SDO in thlang bik hai kuomah chawimawina thilpek inhlanna a nei.
