Lungthulien, August 13, 2020, Virthli (ONP): Parbung ICDS (Integrated Child Development Services) Project huoihawtna hnuoiah August 12, 2020 khan Lungthulien Primary Health Centre ah Village Health, Sanitation & Nutrition Day hmang a nih. Hi huna hin Ministry of Health & Family Welfare hnuoia Community Healthcare Workers- ASHA (Accredited Social Health Activist) haiin hriselna chungchang, sanitation le nutrition chungchangah mipui hai hrilhrietna hun an hmang a. Tulaia hripui inleng mek covid19 le inzawmin 'Hand Washing' ti thupuia hmangin inhrilhrietna hun nei a ni bawk.
Hi huna hin Medical staff hai khawma Routine Immunisation neiin damnaw hai check-up thawin damdawi hai semna le vaccine hai an kap a. A tul ang angin naute le nupui damnaw hai an mamaw chi tum tum an pek bawk a nih.
