CCPur: August 22, 2020 sun dar 11:00 AM khan Mr. Lalzar B. Sinate chengna In, Sielmat, CCPur, Manipur ah hmun tum tum a um Hmarhai lai Socio-Economic tienga hmasawnna, inthlakdanglamna hrat nawk zuola a hung um thei beiseina lei le mitinin an chanvo indik taka an chang ngei theina dinga hmalatu ding, mi tlawmngai le mi ṭhahnemngai inzawmkhawm pawl, non-political/NGO Hmar Socio-Economic Development Forum (HSEDF) ti chu indin a nih.
Hi pawl ṭhuoitu ding hin hieng hai hi thlang phawt an nih: Chairman - Mr. Lalzar B. Sinate, Vice-Chairperson - Ms. Thangṭhatling, General Secretary - Mr. Daniel Lalsanhim, Joint Secretaries - Mr. Ramditum Ralsun @Rama Ralsun (Info. & Admin.), Mr. LRS Puruolte (Public Relations & Media), Mr. Ramneisang Faiheng (Info. & Media), Mr. Elshadai Buongpui (Info. & Media), Mr. Lalbuotsai Zote @Bush Zote (Info. & Media), Finance Secretary - Mr. Lalrokhawm @RK Darngawn le Finance Treasurer - Mr. Chalrosung @Alex Tlawmte.
Consultants - Mr. Ruolkhumlien Buhril IAS Retd, Mr. Darsuo Thang Khawbung, Dr. Vanlallien Pulamte, Dr. Lalkhawlien Pulamte, Mr. James A. Songate, Rev. Ruolhlei Pakhuongte, Rev. Hrangchunghnung, Pastor Lalditsak Inbuon, Mr. Lalkhawnvar, Rev. Kh. Thangdailo, Mr. Sumlamrawn Hmar, Dr. Rev. V. Lalnghakthang Khawbung le Rev. James Nguldinglien Hmar.
Legal Advisers - Mr. Lala Khobung, Mr. Ngurrivung Hmar le Mr. Lalkhumsang hai ning an ta. Correspondent ding khawm Hmar khuo haiah a remchang ang peia la ruotsa pei dinga ti a nih.
Chun, Hmar Socio-Economic Development Forum (HSEDF) Executive Member dingin Hmarram Kohran Inzawmkhawm (HKI) Office Bearer-hai an term hun sung peia dingin mawphurna chel dinga ruot an ni bakah inawpdan khawm la siem le a ṭul ang peia hma lak pei an tum thu HSEDF chun an hril.
Hi meeting hi Rev. Hrangchunghnung in a keiṭhuoi a, Mr. Ramditum Ralsun in ziektu sin thawin Rev. Ruolhlei Pakhuongte in Pathien kuoma ṭawngṭaina'n hunkharna a nei a nih.
