Parbung, July 9, 2020, Virthli (ONP): A biel mipuihai harsatna ngaiven ding le a tul ang anga sawmdawlna sin thaw ding le hmalak dan ding hai ngaituo tlang dingin Tipaimukh MLA le PAC Chairman nilai zing- Dr. Chaltonlien Amo chu tulai hin Tipaimukh A/C, Hmarbiel, Pherzawl District ah a cham mek. July 8, 2020 khan Pherzawl, Parbung le Senvon a Home Quarantine a um mek hai a kan a, an fak le dawn ding hai sumfai thangsain enkaituhai kutah inhlanna a nei a, a tulna na a hmang ding PPE kit, gloves, sanitizer, mask le thil tul dang dang hmang ding a pek tawl.
Hi huna hin Dr. Amo chun khawtin a khawtlang thuoitu le khaw mipuihai thangtlanga Home Quarantine a um mek hai an enkawlna chungthuah lawmum a ti thu a hril a, sawrkar a chau innghat lova ei thei ang anga inthangpui hlak ding ei nih tiin a hril a, ama khawma a thei ang anga thangpuina sin a thaw pei ding thu a hril.
Home Quarantine a um mek hai hi Engedi Camp & Retreat Centre, Geljang le Bethesda College, Muolvaiphei a inthawka inthlasuoka um hai kha an nih. Tuhin Parbung-ah mi 83, Pherzawl-ah mi 15, Senvon-ah mi 11 vel an um mek a nih.
Dr. Amo biel fang hi Pi Mannuamching, Pherzawl DC, Dr. Phirthanglien Buhril, CMO, Pi Lalhminglien, ZEO le Pu Lunzamang, Addl. SP haiin an hung zui a, khawtin an fangna a hai tulai natna hri inleng leia hriet ding tul hai inhrilhrietna hun an hmang.
Parbung khuoa hunser an hmang huna hin vangduoi thila Covid-19 invawi an lo um pal chun tiin Parbung CHC, Isolation Ward a hmang ding Ventilator khawm sie lut nghal a nih. Hi huna Administration tienga thuneituhaiin thu an hrilna a chun khawtin kawtsuo a haia Village Task Force in checkgate an lo siem hlak chu hlip tlak dingin le khuo thenkhat a haia mipui mamaw phurtu motor lut ding phal lova dan an lo zam hai hlip dingin an hril bawk. Amiruokchu pass nei lo Manipur puotienga inthawka hung lut tum an um ruok chun lo khap tlat dingin an hril.
Dr. Amo chun July 8, 2020 khan District Headquater- Pherzawl, Taithu, Parbung, Lungthulien le Senvon a kan tah a. Hieng khuo hai a kan huna hin khawtin a khawtlang thuoitu- Village Authority le Organisation dang dang a thuoituhaiin ursuntakin lawmlutna hunser an lo hmang tawl.
Covid-19 hri inleng leia state puotienga inthawka hung a biel mipuihai, Tipaimukh MLA in Quarantine Centre-a an um sunga Pa tak chan changa duot tak le hmangai taka a enkawlna chungthuah khawtin a fang huna hin an lawmthu an lo hril a, an khuo chit hai tlung thei dinga motor, trip 28 lai zet hung tum pektu kuoma hin an lawmzie an lo inzawt tawl.
Dr. Amo chun a biel sunga khuo a la sir naw hai khawm a sir pei ding thu a hril a, Home Quarantine a um mek hai chu an nu le pa, an sunghai an thei ang anga an sin thawna a hai thawpui le thlawp hlak dingin an fui tawl. Parbunga Home Quarantine-a um mek mi 83 hai lai, zinga hin mi 17 hai chu ni 14 an um tling ta leiin zinga hin suokdawk tang an tih.
Hi huna hin Dr. Amo chun khawtin a khawtlang thuoitu le khaw mipuihai thangtlanga Home Quarantine a um mek hai an enkawlna chungthuah lawmum a ti thu a hril a, sawrkar a chau innghat lova ei thei ang anga inthangpui hlak ding ei nih tiin a hril a, ama khawma a thei ang anga thangpuina sin a thaw pei ding thu a hril.
Home Quarantine a um mek hai hi Engedi Camp & Retreat Centre, Geljang le Bethesda College, Muolvaiphei a inthawka inthlasuoka um hai kha an nih. Tuhin Parbung-ah mi 83, Pherzawl-ah mi 15, Senvon-ah mi 11 vel an um mek a nih.
Dr. Amo biel fang hi Pi Mannuamching, Pherzawl DC, Dr. Phirthanglien Buhril, CMO, Pi Lalhminglien, ZEO le Pu Lunzamang, Addl. SP haiin an hung zui a, khawtin an fangna a hai tulai natna hri inleng leia hriet ding tul hai inhrilhrietna hun an hmang.
Parbung khuoa hunser an hmang huna hin vangduoi thila Covid-19 invawi an lo um pal chun tiin Parbung CHC, Isolation Ward a hmang ding Ventilator khawm sie lut nghal a nih. Hi huna Administration tienga thuneituhaiin thu an hrilna a chun khawtin kawtsuo a haia Village Task Force in checkgate an lo siem hlak chu hlip tlak dingin le khuo thenkhat a haia mipui mamaw phurtu motor lut ding phal lova dan an lo zam hai hlip dingin an hril bawk. Amiruokchu pass nei lo Manipur puotienga inthawka hung lut tum an um ruok chun lo khap tlat dingin an hril.
Dr. Amo chun July 8, 2020 khan District Headquater- Pherzawl, Taithu, Parbung, Lungthulien le Senvon a kan tah a. Hieng khuo hai a kan huna hin khawtin a khawtlang thuoitu- Village Authority le Organisation dang dang a thuoituhaiin ursuntakin lawmlutna hunser an lo hmang tawl.
Covid-19 hri inleng leia state puotienga inthawka hung a biel mipuihai, Tipaimukh MLA in Quarantine Centre-a an um sunga Pa tak chan changa duot tak le hmangai taka a enkawlna chungthuah khawtin a fang huna hin an lawmthu an lo hril a, an khuo chit hai tlung thei dinga motor, trip 28 lai zet hung tum pektu kuoma hin an lawmzie an lo inzawt tawl.
Dr. Amo chun a biel sunga khuo a la sir naw hai khawm a sir pei ding thu a hril a, Home Quarantine a um mek hai chu an nu le pa, an sunghai an thei ang anga an sin thawna a hai thawpui le thlawp hlak dingin an fui tawl. Parbunga Home Quarantine-a um mek mi 83 hai lai, zinga hin mi 17 hai chu ni 14 an um tling ta leiin zinga hin suokdawk tang an tih.
