Responsive Ad Slot

Dr. Chaltonlien Amo in Pherzawl Quarantine Centre a um mi 47 an thla liem

Thursday, June 4, 2020

/ Posted by Simon L Infimate
Tuithaphai, June 4, 2020, Virthli (ONP): Tipaimukh MLA & PAC Chariman- Dr. Chaltonlien Amo in June 4, 2020 khan Pherzawl District Quarantine Centre, Engedi Camp & Retreat Centre, Geljang a hang kan. Hi huna hin Dr. Amo chun Quarantine Centre a ni 14 lo um tling tah, medical test result hai iengkim la negative vawng le Covid-19 a'nthawk an fihlim ngei anih ti sukchieng an ni hnunga Doctor han QC a inthawka suok thei dinga medically fit a an puong mi 47 hai a hang inthla liem. June 4, 2020  hin mi 13 han an khuo Hmarbiel tieng an pan nghal a, zing June 5, 2020 hin mi 34 han Vangai biel pan an tih.

Pherzawl QC a suok dawk ding mek han an khuo chit an fe theina dinga transportation hung tum pektu Tipaimukh MLA- Dr. Chaltonlien Amo chungah lawmthu an lo hril a, hun rinum tak an hmasuon mek lai khawma a biel mipuihai thlathlam loa an hun tawng mek hriethiempuitu,  fak-le- dawn nisien hme inhnik tak tak inhmetirtu le QC-a an um sunga tawngbau chau niloa thilthaw le thilpek thang ngeia, Imphal-a a chengna Quarter khawm hluo lum hman loa duot taka a hang enkai hlak lei le a hang thlamuon hlak chu vangnei an intiin hieng ang bieltu MLA hi ka nei thei nawk dim? ti khawp hielin an lawmthu an lo inzawt.


Dr. Chaltonlien Amo in Pherzawl QC a hang kan huna hin QC a um hai chu Pentecost Sunday nia a Bible present hai tiem hlak ding le tawngtai hlak dingin an fui tawl. Hi hunser hi Pu Thianlaljoy Gangte, Pherzawl DC khawma a hang uop ve.

Hi hunser a thang ve Special Contractor- Pu Roland Ralsun chun zinga mi 34 hai fena ding Tipaimukh MLA in motor 3 a hung tum pek ding hi iengkim sukfel vawng ani thu a hril.







Don't Miss
© all rights reserved
made with by Simon L Infimate