Responsive Ad Slot

Tipaimukh Constituency COVID-19 Management Committee meeting nei

Wednesday, May 13, 2020

/ Posted by Simon L Infimate
CCPur, May 13, 2020, Virthli (ONP): Government of Manipur, Home Department Order No. 9/6(1)/2020-H(Pt) dt. 9th May, 2020 thusuok angin zanikhan Tipaimukh Constituency COVID-19 Management Committee chu Pherzawl DC office ah meeting an nei.

Chairperson :  Dr. Chaltonlien Amo, Hon’ble MLA/Tipaimukh A/C
Convenor : Smt. Mannuamching, IAS, DC/Pherzawl,

Members :
Shri Md. Jackiruddin, SP/Pherzawl,
Dr. Phrithanglien Buhril, CMO/Pherzawl,
Shri Laldawnlien Varte, President HYA GHQ
Shri L. Thanzam Pulamte, Gen. Secy. HNU

Co-opted Member :
Shri S. Thienlaljoy Gangte, ADC/Pherzawl
Shri Derick L. Khobung, SDO/Vangai Range
Shri Lalsuong Gangte, SDO/Tipaimukh

Representatives from :
HSA
VA Chairman Assn./Vangai
VA Chairman Assn./Tipaimukh 



Hun hmasa tieng Dr. Chaltonlien Amo chun member fekhawm hai lawmlutna neiin tulaia Covid-19 leia Tipaimukh mipui han harsatna tamtak an tawng mek hai a hrila, hi kawnga ama hmalakna hai hrilin, ram dang dang anthawka intang hung kir ding hai chungthua le quarantine centres siemna ding kawnga CSOs/NGO/VA le District Administration chu thangruola hmalaktlang dingin a fiel.

Hi meeting a hin COVID-19 le inzawma Tipaimukh A/C biel mi Manipur state puotienga umhai mani khuo pana inlawi mek hai lo sawmdawl dan ding le quarantine centre ding thu an ngaituo. Tipaimukh biel a quarantine centres hai chu District administration, VA le CSO hai enkawltlang dingin an rel baka COVID-19 Relief Fund siema kut rawl nuom hai ta dingin felfai taka bank account hawng ding, biel mipui hai laia awareness siem dan ding baka Tipaimukh biela khuo hai chu sawrkar in dân le dûn a siem khêla ṭul lo deua mipui le motor inlawn hai dang lo dingin an ngen baka hmun danga intang hung kir hai chu lo en danglam lo dingin an ngen bawk a nih. Sawrkar chau nilovin khawtlang thuoitu, CSOs, NGOs, Local Clubs hai le inthuruol taka thangtlang a tul zie an hril.
Don't Miss
© all rights reserved
made with by Simon L Infimate