Responsive Ad Slot

Pherzawl DC le CMO inrawinain meeting nei

Sunday, May 10, 2020

/ Posted by VIRTHLI
CCPur, May 10, 2020 (HT): Covid-19 leia ramdanga intang In hung kir ding hai lo enkawl dan ding thuah May 9, 2020, 12:00Noon khan DTC Hall, Tuibong, CCPur-ah Ms Mannuamching, IAS, DC, Pherzawl le Dr Phirthanglien Buhril, CMO/Pherzawl hai inrawinain meeting nei a ni a. Pherzawl district sunga official hai an ṭhang.

Meeting huna hin In hung kir hai Institution am Community Quarantine centre-a enkawl ding ti le thu pawimaw dang dang hriltlang a nih. Pherzawl district sunga Assembly constituency pahni haiah state puotienga inthawk In hung kir ding mi 421 an um ve niin thu dawngna chun a hril a, chu lai chun Tipaimukh A/C ah mi 330 le Thanlon A/C ah mi 91 an ṭhang.

Pherzawl district-a insingsatna tuchena nei dan a chun In hung kir hai lai Covid-19 case nei an um chun khum 2 pei um theina Isolation Centre tum tum siem ding ti a ni a. Isolation centre siena dinga ti hai chu- New IPD building, CHC Parbung; PHC Sinzawl; Old Building; PHC Sivapurikhal; New PHC building; PHC Thanlon le Guest House, PHC Senvawn hai an ni a, hieng hmun 5 haia haia khum um ding chu 10 a nih a, Isolation ah mi 10 sie thei ding ti a nih.

Isolation Ward um lo Institutional quarantine ṭul hai chu Quarantine centre dinga ruot khuo 7 haiah mi 210 chen um thei dinga hril a ni bawk. Institutional Quarantine Centre hmun ding hai lai Guest House, Parbung-ah khum 30 ; Community Hall, Parbung-ah 40 ; Guest House, Phezawl-ah 25 ; Junior H/S Sivapurikhal-ah khum 25 ; Anganwadi Centre, Senvon-ah khum 10 ; Convention English School, Sinzawl-ah 25 le Community Hall, Patpuihmun-ah khum 40 um thei dinga siem a nih.
Don't Miss
© all rights reserved
made with by Simon L Infimate