Aizawl, May 8, 2020, Virthli (OPN): Tlangval Danny Ramdinsanga Hmar, Thuampui, Aizawl chun India rama entrance test/ competitive exam intak pawltaka hril Common Admission Test (CAT) hne taka paltlangin, India rama Management/MBA inchukna (Indian Institute of Management) ṭha pawltaka hril, tuta a pakhatna ngirhmun (No-1) hau mektu Indian Institute of Management (IIM), Ahmedabad ah Master of Business Administration (MBA) inchûk dingin a lo buon tluk ta der el.
Kum 23 mi Tv Danny Ramdinsanga Hmar, Sangsang ti a hriet lar hi Upa Lalthankunga Hmar le Pi Lalremkim hai naupasal 3 laia a milai a ni a, Kendriya Vidyalaya School, Aizawl a kai hlak niin pâwl -10 hi Assam Rifles Public School, Shillong ah ṭhatakin a zova. BK Bajoria School, Shillong ah pawl-12 ṭhataka a zo hnungin 2018 khan Amity Global Business School, Bangalore ah BBA (marketing) ṭha takin a zo nawk a nih.
Kum 2019, November thla khan CAT hi exam in March, 2020 khan interview a hmasawn nawka, hlawtlingna a hung changtung ta pei a nih.
MBA hi tulaia hripui inlêng leiin preparatory class hi online a ṭan ni nghal a ta, July thla tawp tieng khin course ṭan thei dinga beisei a nih.
Ama hi inchûkna bâkah music thiem takel a na, HSA, Joint Headquarters, Aizawl ah member ni lai zing a nih.
A hlawtlingna hi HSA, Jt. Hqrs, Aizawl chun a lawmpui takzeta, hieng ang CAT paltlang thei le inchuklai hai entawn tlak HSA member a nei hi an suong takzet thu an hril.
Kum 23 mi Tv Danny Ramdinsanga Hmar, Sangsang ti a hriet lar hi Upa Lalthankunga Hmar le Pi Lalremkim hai naupasal 3 laia a milai a ni a, Kendriya Vidyalaya School, Aizawl a kai hlak niin pâwl -10 hi Assam Rifles Public School, Shillong ah ṭhatakin a zova. BK Bajoria School, Shillong ah pawl-12 ṭhataka a zo hnungin 2018 khan Amity Global Business School, Bangalore ah BBA (marketing) ṭha takin a zo nawk a nih.
Kum 2019, November thla khan CAT hi exam in March, 2020 khan interview a hmasawn nawka, hlawtlingna a hung changtung ta pei a nih.
MBA hi tulaia hripui inlêng leiin preparatory class hi online a ṭan ni nghal a ta, July thla tawp tieng khin course ṭan thei dinga beisei a nih.
Ama hi inchûkna bâkah music thiem takel a na, HSA, Joint Headquarters, Aizawl ah member ni lai zing a nih.
A hlawtlingna hi HSA, Jt. Hqrs, Aizawl chun a lawmpui takzeta, hieng ang CAT paltlang thei le inchuklai hai entawn tlak HSA member a nei hi an suong takzet thu an hril.
