Senvawn, April 05, 2020, Virthli(ONP): Airtel tower chungthu le inzawmin Senvawn Khawtlang thuoitu hai chun a hnuoia ang hin lawmthu an hril. [Edit hran um chuong loin an ziek dan ang anga hung post a nih.]
AIRTEL TOWER THUA KHAWTLÂNG ṬHUOITUHAI LAWMTHU HRILNA
Hmarbielah mobile tower pakhat khawm a ngir ve naw leiin mobile signal a um mumal ngai naw a. Internet data lem chu Tower phun a ni hma khan hmang thei a ni tak tak nawh.Chu kan harsatna hriea sukkieng dingin Hmarram Kohran Inzawmkhawm Founder Chairman Rev. Hrangchunghnung, Pastors 5, kohran ṭhuoitu 3 hai le Dr. Vanlallien Pulamte hai chun Pu Kanbindra Purkayastha, former Telecom Minister, Government of India, chu October 19, 2016 khan a chêngna In Silchar ah inhmupuina an nei a. Hi huna hin Hmarbiel khuohaiah Mobile Tower phun dingin ngenna an siema. An ngenna chu Pu Kabindra chun Pu Manoj Sinha,Telecom Minister, Government of India kuomah an tlun pêk nghal a. Lekha pawimaw file hai chu an hnawtzui ta char char a. Pu Manoj Sinha chun India sawrkar thil tum 'Digital India Vision' hmangin Northeastern states ah hai data network pe a tower phun dingin Bharti Airtel Limited leh thuthlung an ziek thu lo hrilin, an lekha chu Bharti Airtel Limited (A Bharti Enterprise) Bharti Crescent, 1 Nelson Mandela Road, Vasant Kunj, Phase-II, New Delhi-110070 ah a lo forward a. Files hai chu an bawzui peia, New Delhi a inthawkin December 16, 2016 khan pu Sameer Anjaria, Chief Executive Officer(CEO) Airtel Northeastern States and Assam kuomah an hung peka.Pu NK.Goyal, Chairman Telecom Equipment Manufacturers Association (TEMA) chun Department of Telecom (DoT) le Cabinet Secretary kuomah May 7,2018 khan tower phuna ding pawisa a lo sukfel vawng tah thu a hril a.
Airtel Tower thua North East tienga mawphurtutak Pu Gunjal Dutta chu Guwahati ah inhmupui a ni nâwka. Airtel Tower phun dingin Pu Henry, Survey Executive, Engineer pakhat le a ruolhai chu Hmarbielah hungin Senvawn, Lungthulien, Parbung, Taithu, Damdiei le Pherzawl hai an hung ensin a.Tower phuna sin chu Senvawn, Lungthulien le Parbung ah hai ṭan a hung ni tah a. Beisei angin electric tieng panga sinthawtu hai sin a hrat naw leiin tower hai hi a zuk function el thei ta naw leiin mobile network ṭhatnaw leia mipui harsatna chu Pu Raveendra Desai, CEO, Airtel North East and Assam, Guwahati kuomah August 22,2019 khan intlun a ni nâwka.
Bharti Airtel Limited hai chun nasanawk zuola hma hung la in tuhin a function el ta leiin mipui chun kan lawm takzet a nih.Tuhin chu 4G high speed hmangin kan taptebul le kan zal hmunah hai internet kan hmang thei tah hi kan lawm takzet a. Mipuiin pawisa chengkhat khawm senglo a hma mi lapêktu HKI le Dr. Vanlallien Pulamte chunga kan lawmthu kan hrila. Malsawmna tamtak dawng dingin kan ditsakna kan inhlan a nih.
Sd-
Darhminglien
Chairman,
Senvawn Village Authority.
Sd/-
Hrangkhuplien
Secretary,
Senvawn Village Authority.
Sd/-
Pastor L. Rolawm Chairman, Senvawn Kohran Inzawmkhawm.
Sd/-
Lalhuolsang
Secretary, Senvawn Kohran Inzawmkhawm.
Sd/-
Laltlanlawm
President, HYA Senvawn Branch.
Sd/-
Thangchunghnung
Secretary,HYA,Senvawn Branch
Sd/-
Lalbieksang
Chairman, Senvawn Val-Upa.
Sd/-
Lalhmelṭha
Secretary,Senvawn Val-Upa
Sd/-
David Lalnunmawi
President, HSA Senvawn Unit.
Sd/-
Malsawmzuol
Secretary,HSA,Senvawn Unit
Sd/-
Lalṭanmawi
President,HWA Senvawn Unit.
Sd/-
Zarzomawi
Secretary,HWA,Senvawn Unit
