Saikawt, April 26, 2020, Virthli (ONP): April 25, 2020 khan Saikot A/C sunga Saikot Sub Division biel sunga khawtin a hai PMGKAY bufai sem a nih. Hi huna hin FPS Allocation Center 27 ah bufai hi sem ani a, hi biel sunga cheng mi 18500 han mi pakhatin 5kg pei an dawng niin thu ei dawng. PMGKAY bufai (650 Quintals) hin hi biel sunga mihriem cheng hai popo a phuhruk zo naw ding leiin Pu T.N Haokip, bieltu MLA in OMSS (Open Market Sale Scheme) hnuoia mi- 200 Quintals a hung pek belsa leiin mitin in inkhuongruol takin an chang thei thu Pu Richard Lalsawrlien, MLA Representative a inthawkin thu dawng a ni a, bufai semna hi FPS Agents hai Allocation pei ah nei niin bieltu MLA khawma a hmun ngei ah a va fangkuol tawl.
Hi chungchang a Monitoring fel taka thawtu Pu Alfred J. Khaute, SDO Saikot le a Staff hai, MLA tieng inthawka Representative Pu Richard Lalsawrlien hai chungah mipuiin an lawmthu nasatakin an hril.
Hi chungchang a Monitoring fel taka thawtu Pu Alfred J. Khaute, SDO Saikot le a Staff hai, MLA tieng inthawka Representative Pu Richard Lalsawrlien hai chungah mipuiin an lawmthu nasatakin an hril.
