Responsive Ad Slot

Pyramid Production House thangpuina thilpêk an inhlân

Monday, April 13, 2020

/ Published by VIRTHLI
Muolhoi, April 13, 2020, Virthli (ONP): Pyramid Production House chun Covid 19 le inzawma ṭhangpuina kawt hawng in YouTube a live streaming April 8, 2020 khan a nei a, hi programme hi duthusâm ang takin huoihawt thei ni naw sienkhawm mipui tlawmngaina zarin sum ṭhahnem tawk tak hmusuok a ni a, hi taka sum hmusuok a um hi vawisûn Muolhoi khawsûnga in sawmhni panga (25 house) hai chu sumfai thangpuina inhlânna an nei.

Hi taka sum hung thawlawmtuhai popo chunga PPH chun lawmthu a hril a, Pathienin a lêt tama malsawm dingin ditsakna an inhlân, chun hi ṭhangpuina thilpêk tlawm hlê sienkhawm lawm taka lo dawng pêktuhai popo chunga lawmthu an hril bawk.

Hi thilpêk inhlânna kawnga hin Muolhoi VDP le Vâl Upa hai hrietpuina a nei a nih. Pyramid Production House hi record lebel le Producer ei hnam sûnga talent ṭha tak tak sum lê pai harsatna leia mani talent anga hma la thei lo hai ṭhangpuina dawkân siem pêk a ni tak a, tuta ṭum khawm hin mipui harsatna enin hma an lâk a nih.
Don't Miss
© all rights reserved
made with by Simon L Infimate