Tuițhaphai, April 25, 2020 Virthli (ONP): Puonkhâwng Khâwl hmang loa puon khâwng hlak nuhmeihaiin a hma neka hadam lemin, kuta khâwng ni tho sia puon an khâwng theina dingin 'Puonkhâwng Khâwl' dangdai le remchang tak Pu Tlangsanlien, Rengkai chun a siem suok. Hi puon khâwngna khâwl hi kuta puon khâwng ei ti el hlak, 'Handloom Machine' hmang lo haiin harsa taka kâwng le zâng na rak raka sin an thaw hlak sâwk zângkhâina dinga a siem niin Pu Tlangsanlien chun a hril.
Puonkhâwng Khâwl hi a lima suklang angin, pheivawn hmang loin puon khâwngtu in a ke chau hmangin hadam taka țhung chilin sin a thaw thei a; a puonkhâwng lai thlâk a țul khawmin midang țhangpui ngai loin Puonkhâwngtu an todel thei bawk. A lim le video haia inthawk, kuta puon khâwng țhang chun a hadam le awlsam dan ding chu an hrietchieng el thei ring a um.
YouTube : https://youtu.be/RQ_HcfWva6A
Hi hma met khan Pu Tlangsanlien hin tha seng ngai loa awlsam taka electric thilthawtheina hmanga pat sût theina, 'Electronic Sûtlâm' a lo siem ta bawk. Sûtlâm thar hin Puonkhâwng hlak haiin harsa le sâwl taka pat an sût hlak a hung sâwk zângkhâi hle ding a nih.
Puonkhâwng Khâwl dangdai le Electronic Sûtlâm siemtu Pu Tlangsanlien hi Mistry sinthaw hlak a ni a; a remhrietna le a themthiemna hi mi tam takin an la hung țangkaipui ngei ei beiseiin ei ditsak hle a nih.
Thu chieng lem hre nuom le a ngaiven nuomhai chun Pu Tlangsanlien, Rengkai (Contact no.: 9612897634) inbiekpui thei zing a nih.
Puonkhâwng Khâwl hi a lima suklang angin, pheivawn hmang loin puon khâwngtu in a ke chau hmangin hadam taka țhung chilin sin a thaw thei a; a puonkhâwng lai thlâk a țul khawmin midang țhangpui ngai loin Puonkhâwngtu an todel thei bawk. A lim le video haia inthawk, kuta puon khâwng țhang chun a hadam le awlsam dan ding chu an hrietchieng el thei ring a um.
YouTube : https://youtu.be/RQ_HcfWva6A
Hi hma met khan Pu Tlangsanlien hin tha seng ngai loa awlsam taka electric thilthawtheina hmanga pat sût theina, 'Electronic Sûtlâm' a lo siem ta bawk. Sûtlâm thar hin Puonkhâwng hlak haiin harsa le sâwl taka pat an sût hlak a hung sâwk zângkhâi hle ding a nih.
Puonkhâwng Khâwl dangdai le Electronic Sûtlâm siemtu Pu Tlangsanlien hi Mistry sinthaw hlak a ni a; a remhrietna le a themthiemna hi mi tam takin an la hung țangkaipui ngei ei beiseiin ei ditsak hle a nih.
Thu chieng lem hre nuom le a ngaiven nuomhai chun Pu Tlangsanlien, Rengkai (Contact no.: 9612897634) inbiekpui thei zing a nih.
