Tuithaphai, April 15, 2020, Virthli (ONP): Pu Richard Lalsawrlien, Social Worker le a Team hai chun tulaia COVID-19 natna hri inleng leia lockdown le inzawmin vawisun khan Saikot Sub-Division sunga Orphanage Home pali (4) hai kanna neiin thangpuina thilpek an inhlan. Hi huna hin Children's Home, Saikot, Gilgal Home@Muont Carmel, Muolvaiphei, Babies Home, Muolvaiphei le Boys Home enkawltuhai kuomah fak-le-dawn: alu, matar le chi hai a bag in inhlanna an nei a, hi huna hin thangpuina va petu hai chungah Orphanage Home enkawltu hai chun an lawmthu ursun takin an lo hril.
