Responsive Ad Slot

HYA Gen. Hqrs in lawmthu hrilna a nei

Thursday, April 2, 2020

/ Published by Simon L Infimate
CCPUR, Virthli (ONP): Tulaia Covid-19 hrileng laka mipui him thei dan ding ngaituonaa sawrkar-in lockdown a puong mek le inzawma mipui harsatna sawkzangkhaina dinga Thanlon A/C MLA Pu Vungzagin Valte-in a biel sunga sawrkar hmalakna anga bufai a sem huna Hmar khuo haiin indik taka an chanvo an hmu theina dinga mi tlawmngai HYA Gen. Hqrs in a zawng hun a inpe le bufai sem le enkaitu hai Pu Peter Sanate of Rengkai, Tv. Rambeisei of Parvachawm/Muolvaiphei le Tv. Lalhmangailien of Parvachawm/Rengkai hai pathum chu April 1, 2020 zantieng dar 4:30 PM khan Hmar Youth Association (HYA), Gen. Hqrs chun an General Headquarters Office in nghatna hmun le Rengkai Community Hall hmun ah an chunga lawmthu hrilna hun a nei.

Hi hun hi Pu Lalramsiem Zote Gen. Secy., HYA Gen. Hqrs in keiṭhuoiin anni hai hi iengkhawm beisei nei der loa bufai sem dinga HYA hminga tlâwmngai (Volunteers) an ni thu le an chungah HYA Gen. Hqrs a lawmin anpak hle thu a vel a velin a hril a, hieng mi tlawmngai haia inthawk hin an hun hmang dan hai le an bufai sem dan hai report ngaithlak a nih.

Hi hun a bawk hin Pu Lalhriet Famhoite President, HYA Tuiṭhaphai Jt. Hqr le Pu Lalsanhim Sanate Fin. Secy., HYA Gen. Hqrs haia inthawk thuhril ngaithlak a ni a, Rev. Joseph R. Joute in Pathien kuoma lawmthu hril ṭawngṭaina hun a hmang bawk.

Hi hun hi HYA Gen. Hqrs le HYA Tuiṭhaphai Jt. Hqr ṭhuoitu bakah Rengkai Village Level Task Force ha'n an ṭawiawm a nih.

March 28, 2020 zantienga kha Thanlon A/C MLA Pu Vungzagin Valte-in bufai sema um hai hi CCPur a inthawka HYA Gen. Hqrs ṭhuoituhai le pawl tum tum le sawrkar mi pawimaw tak tak hai ṭhanga a lo vailiem (flag off) a ni a, bufai sema fe mi tlawmngai pathum hai hi April 1, 2020 zantieng dar 4 PM vela kha Rengkai hung tlung an nih.


# File Photos
Don't Miss
© all rights reserved
made with by Simon L Infimate