Responsive Ad Slot

HPC (D) Manipur Region in Thanlon MLA le an inkar thubuoi chungthua hrilfiena an siem.

Monday, April 27, 2020

/ Published by Simon L Infimate
HPC (D) Manipur Region in Thanlon MLA le an inkar thubuoi chungthua hrilfiena an siem.

CCpur, April 27, 2020, Virthli (ONP): HPC (D) Manipur Region chun Pu Vungzagin Valte, MLA Thanlon A/C le an kar thu buoina ah a hnuoia ang hin thusuok an suo.
-------------
PRESS CLARIFICATION
The 27th April, 2020, Sinlung

Date 25th le 26th April, 2020 a Pu Vungzagin, MLA-Thanlon Constituency le HPC (D) kara thiltlung le inzawmin a hnuoia ang hin hrilfiena ka hung siem. Ahmasa'n, Pu Vungzagin Valte, MLA-Thanlon Constituency ani angin, Thanlon mipui popo aiawtu ani ti chu hril ngailo a mi tin hriet a nih. Thanlon Constituency sunga hin Hmar khuo Paruk a um ve a, chuhai chu- Pherzawi, Tinsuong, Damdiei, Talan, Serhmun le Leisen hai an nih. Pu Vungzagin Valte hi MLA an Candidate lai khan HPC (D) chun nasataka thangpuiin a support hrim a, MLA khawm a tling hrim a nih. HPC (D) chun vawisunni chen hin kawngtin renga PuVungzagin hi an tlawppuiin, sina la thaw hmunkhat pui zing a nih.

Chuonglai zing chun tulaia hri inleng (Covid-19) leia Lockdowm um hin, a biel mipui hai chu nasatakin harsatna an tuok a, abiktakin 'Fak le Dawn' chungthua Tlangram kilkhawr a um kan ni leiin mi nek poin kan harsa lem a nih.  Ama Pu Vungzagin hi a biel a khawm hung ngai lo le Imphal Phairuom a khawsa char char a ni lei hin, Date 25th April, 2020 khan Churachandpura a chengna in a, a hung ani ti hriet le inzawmin, a biel mipui haiin harsatna namenlo an tuok zie le bufai a sem chungthua 72 bags zet hieng Hmar khuo Paruk- Pherzawl, Tinsuong, Darmdiei, Talan, Serhmun, le Leisen hai tading sukchingpen a, a um hi asan hriet nuomna lei le harsatna chi dang dang hrilpui dinga kan Secretary, Pu lsaac Hmar a rawia Pu Vungzagin a in a an hang pan chu Extortion le Demand thawa lo intumin, "ngaidam in inhni naw chun Police kan man tir ding cheu a lo ti ta lem el hai hi chu HPC (D) in hriethiem intak kan tih. Ama, Pu Isaac Hmar khawm hi Thanlon Constituency sung a, Tinsuong khuo mi ngei niin, Lockdown leia a nuhmei le nauhai le Churachandpur Phairuom a intang hai laia mi ani a, ama ang bawk hin Thanlon Constituency sunga mipui tamtak el intang a fe theilo Churachandpur Phairuom a hin an um qeu bawk anih. Chun hriet ding pakhat chu Demand or Extortion a fe hai hrim hrim chu ralthuom chawiin an fe hilak a nih. Kan Secretary Pu, Isaac Hmar le a ruolhai ruokchu ratthuom chawiloa Civilian anga concern MLA inbiekpur dinga fe ani chau lem a nih.

Hienga, Pu Vungzagin in Lockdown leia, a biel mipui hai in harsatna namenlo an tuok ti hrilpui dinga, a ina hang fe hai Extortion le Demand thaw anga intum a, Police a lo inman tir tum el hi chu HPC (D) chun hrietthiem intak a ti hle a nih. Chuelkhel ah, khaw danga mi bufai inhmang si loa, Hmar khuo Paruk- Pherzawl, Tinsuong, Damdiei, Talan, Serhmun, le Leisen hai tading 72 bags zet an hmang bik el hi, ieng ti ta inhmang am ning a ta ti chu Pu Vungzagin chau naw chun tu nam hrie tang an ta??? Chu leiin Pu Vungzagin Valtle hin Hmar Hnam hi a hmusit el chau ni loin, suk diriem a tumna sa a nih ti chu ang lang chieng hle a nih, hienga hmar hnam hmusit zawnga hma a lak zing ani chun HPC (D) hin tosan mei mei naw nih.

Chun, a biel mipui tamtak Lockdown leia Churachandpur Phairuom a intang hai hi, concern MLA ani si chun a ngaituo an phu naw am anih??? A biel mipui aia thu hriltlang dinga hang fe, Pu Isaac Hmar le a ruolhai chu Pu Vungzagin a security/guard haiin mawilo taka silai le an lo chelek khum le sawrkar security nilo a In le Campus sunga an um hriet le hmu ani khawm hi Concern Authority haiin suizuina sin thaw chu HPC (D) dit dan a nih.

Chun HPC (D) Manipur Region hi Central le State Sawrkar le Tripartite Suspension of Operation Agreement na hnuoia um an ni angin, iengtiklai khawm ground rules kan zui zing a, kan bawsiet ngai naw a, iengtik hun a khawm bawse ngai nawng kan ta, kengkaw tlat kan tih.

Amiruokchu, Hmar khuo paruk- Pherzawl, Tinsuong, Damdiei, Talan, Serhmun, le Leisen hai ta ding, bufai 72 bags zet sukchingpena a um hi HPc (D) chun a ngaimawi in a ngai paimaw hle a nih.


(JOHN L HMAR)pdf to image
Secretary,
Information & Publicity,
HPC (D) Manipur Region.



Don't Miss
© all rights reserved
made with by Simon L Infimate