Responsive Ad Slot

COVIT 19 LE PMGKY PACKAGE

Tuesday, April 14, 2020

/ Posted by Simon L Infimate
Corona natna hri leia lockdown leiin mipuiin harsatna le beidawngna tam tak ei tuok pha a. Pasie, tar, hmeithai, piengsuol, nitin a fakfawm ruzi zawng le puotienga inhlaw a fe, inchuklai le damdawi pana suok hai ta dingin a harsa zuol bik.

Chuleiin March 26, 2020 khan sawrkar thlungpui chun Covit 19 lockdown leia beidawngna mangang tuok mek mipui thangpui dingin PMGKY Scheme a rawt dawk a. Chu chu Prime Minister Garib Kalyan Yojana (PMGKY) an tih. Hmar tawngin Beidawng Hai Thangpuina ei tih.

PMGKY hnuoia thangpuina hmu thei hai chu a hnuoia hin ei hung tarlang:

1. IGNOAPS-1995

Hi hi tar thangpuina ei ti kha a nih. BPL card nei kum 60-79 sunga mi hai thangpuina a nih. Rs 200 per month an dawng hlak. Kum 80 an tling pha Rs 500 per month pek an nih. An ni hi PMGKY hnuoia Rs 1000 per month for three months pek ning an tih.

2. IGNWPS-2009

Hmeithai thangpuina ei ti kha a nih. BPL card nei 40-79 years hai pek an nih. Rs 300 per month an dawng hlak. 80 years an ni pha 500 per month pek an ni hlak. PMGKY hnuoia Rs 1000 per month for three months an hmu ve ding.

3. IGNDPS-2009

Piengsuol thangpuina ei ti kha axnih. BPL card nei 18-79 years haiin an dawng. Rs 300 per month an hmu hlak. 80 years pha 500 per month pek an nih. PMGKY hnuoia Rs 1000 per month for three months an hmu ve ding.

4. NFBS-1995

Chawmtu ding neilo hai thangpuina a nih. BPL card nei 18-59 years hai pek an nih. Rs 20,000 lumpsum in an hmu hlak. Sum lamtu tak nei ta lo an nih. An ni khawm hi sawrkarin a thangpui tum.

5. Annapurna Scheme-2000

Tar thangpuina hmu pha ve lo in Annapurna card an hmu thei. 10 kg rice per month pek an nih. Sawrkarin an ni khawm hi thangpui a tum.

PMGKY in a hnuoia hai khawm khu a zelsa:

6. PMJDY

PM Jan Dhan Yojana nei nuhmei beneficiary tin Rs 500 pek ning an tih.

7. PM Kisan

PM Kisan beneficiary tin Rs 2000 pek ning an tih.

8. BPL

BPL card nei hai hi sawrkarin bufai, dal, tel, khawmvartui le chini thangpuina a pek hlak a. Bufai 25-35 kg thlatin kg khatah Rs 8 in a pek hlak. Kg rate le chanvo hi state to state in an ang dal thei.

9. APL

BPL nei hai neka changkang lem met hai card chu APL card hi a nih. Bufai 15 kg thlatin kg khatah Rs 15 in a pek hlak. Kg rate le quota hi state to state in an ang dal thei.

10. Life Insurance

Covit 19 le inzawma health care workers popo Rs 50 lakh seng Life Insurance siem pek an nih.

11. PMUY

PMUY card nei popovin LPG gas bur sip thla thum dawng an tih.

12. NREGA

Job card nei hai nitin hlaw khawm Rs 20 in sukpung a nih.

13. PUOTIENGA CHAMBANG HAI THANGPUINA

Puotienga damdawi pana fe, inchuk dinga suok, sin thawa um, lockdown leia khuo tlung thei ta lo vai rama chambang mek hai thangpuina a um bawk.

××××××××××××××××××××

Hriet tul thenkhat hai

*BPL card hi iem a ni?

State in identification a thaw hlak. Hisap dan chu 13 parameters rural ah, 7 parameters urban ah. Marking ah less than 33% marks hmu thei sungkuo chu BPL Card nei thei pasie tawpkhawp an nih.

A awlsam dan takin, insung pakhatin nitin Rs 27 a kamaidawk thei naw chun chu sungkuo chu BPL sungkuo an nih.

Entirna dingin, sungkuo pakhat ah mi panga an lo um ta a. Nitin Rs 27 kamai hlak lo ni ta ang hai sien, an sungkuo a an nitin kamai chu 27x5=Rs 135 ning a ta. Thlatina an hmudawk po chu 135x30=Rs 4050 ning a tih. Thlatin Rs 4050 an hmudawk chun kum khata an income chu Rs 48,600 ang hu hungvning a tih. State thenkhata chu kumkhatah Rs 12,000 or Rs 27,000 hmuphaklo sungkuo hai BPL card an pek.

Chu umzie chu kumtina Rs 48,600 le hnuoi tieng lamdawk sungkyo hai chauvin BPL card an hmu thei.

*AAY card hi iem a ni?

BPL card dawng laia pasie nawk zuol haiin AAY an hmu. Bufai 35 kg thlatin kg khatah Rs 3 in an hmu. Kg rate hi state to state in an ang dal thei.

*PHH card hi iem a ni?

NFSA 2013 an hung tawldawk khan list thar a pieng a. Chu chu PHH ei tih. PHH hi priority list a nih. BPL le APL card nei hai hi PHH card an pek. Bufai 5 kg thlatin Rs 3 in am pek hlak. Kg rate hi state to state in an ang dal thei.

 *NSAP thangpuina hi iem a ni?

DC, Social Welfare Officer, ZPC CEO le NGO haiin tar pension, hmeithai le piengsuol thangpuina hmu hai verification an thaw hlak. Chu chu NSAP District Level Committee an tih. National Social Assistance Programne an tih.

GP/Municipality/VA/Headman haiin NSAP beneficiary list an namdet hlak. Chu chu noticeboard ah an tardawk a. Thlaruk danah social audit an nei hlak.

Beneficiary list notice board a an tar chu khuo mi tuelkhawma an sawisel thei a. A lut ding hming an peklut thei. DC chu thuneitu insangtak a nih.

NSAP apply huna documents tul hai

A. BPL card

B. Birth certificate

C. ST certificate

D. Aadhaar card

E. Voter ID

F. Bank account

*Ration card hi iem a ni?

Khawtlanga pasie zuol bik hai inkhina chu ration card lekhabu te hi a nih. Hi card a hin sawrkarin pasie thangpuina a hung thun hlak.

Ration card hai khi iengtinam ei nei thei ding?

Sawrkarin intiempui pawimaw bek bek pahni a nei a.

Chuong hai chu

A. Census 2011
(India pumpui intiempui)

B. Household Survey
(SECC 2011
Socio Economic and Caste Census)

Hieng intiempuia hai hin khawpui le khawte a um hai list zieklut a ni hlak. Room khat, wall le roof nei le neilo,, ram nei le nelo, Rs 5000 per month lamdawk sungkuo le lamdawk hnelo sungkuo, TV nei le neilo, motor ke pali le pahni nei le neilo, sawrkar thawkna nei le neilo record an siem hlak.

Khi intiempui pahni hai khi besanin state sawrkarin khawtlanga pasie BPL card nei thei ding list a siem hlak. Guideline a riruong sa bawk.

Chuleiin sawrkar intiempui pahni hai khi ngai pawimaw tum tang ei tiu. Chun sawrkar thangpuina hi a hmu ding indiktak haiin hmu seng ei tiu.

-Ziektu

Dada le Jojo-Pa,
Hmarkhawlien

14.4.2020
Don't Miss
© all rights reserved
made with by Simon L Infimate