Responsive Ad Slot

NCHISF in Haflong area a Tarpaulin le Tui a sem

Tuesday, April 14, 2020

/ Posted by VIRTHLI
Haflong, April 13, 2020, Virthli (ONP): N.C Hills Student Forum chun Haflong area sûng ah, tulai Hripui inlêng vêl Covid 19 le inzawma rinum taka vênghimna sinthaw pawl VDP Duty post tina hmang dingin Tarpaulin Pieces Sawmnga (50) lai zet a semsuok, VDP Duty post tin deu thaw hi ruosûr châng le Nisa lum zuol châng harsatna namênlo an tuok leiin NCHISF chun Haflong Area a hieng Kuki, Naga, Vaiphei, Biate, Gorkha, Dimasa, le Hmar khuo a hai a sem a nih, Hi hun pawimaw tak hi HYA le HSA ṭhuoitu hai khawma an thlawp.




Chun tulai Haflong area a tui harsatna namênlo a tlung leiin IPF milesa hai kuoma khuo ṭhenkhat a pawimaw zuol hai en in hun iemnai chen a'nthawk khan NCHISF chun tui nitin 20,000 litre chu mipui hmang dingin a semsuok bawk, NCHISF hin kum dang khawm Kohran le Khawtlâng ta ding hin a ṭul angin tui hi a lo sem ta hlak bawk.
Don't Miss
© all rights reserved
made with by Simon L Infimate