CCPUR: Churachandpur District sunga hmun tum tum haia thautui zawngsuokna sin thaw dinga India sawrkar le Manipur sawrkar hai le MoU ziektu Jubilant Oil & Gas Pvt. Ltd.,Noida (UP) hmangruo thenkhat inruk hmang a nih. Hi thu le inzawma Police-a inthawk ei thu dawngnain a hril danin, Parbung hmuna thautui zawngsuokna hmangruo company in an sie, Ram Bearing Rs. 828300 manhu,10 Seismic cable 4 Rs. 204000 manhu, Back to Back connector 5 Rs.18428 manhu le Ram Battery 41 Rs. 49200 manhu ding hai an ni a, hieng hmangruo hai a renga belkhawm man chu Rs. Rs. 1303928 vel a tling phak niin a hril. Hi le inzawm hin FIR no. 9 (8)2012 PBG PS U/S 379 IPC hnuoia case registered a nih.~HmasawnnaThar
