Responsive Ad Slot

COVID-19 le Inzawma Chanchin Thenkhat

Sunday, April 12, 2020

/ Posted by VIRTHLI
April 12, 2020, Virthli(ONP): Tulaia hripui inleng hrat tak el Coronavirus (COVID-19) le inzawma chanchin thenkhat lawrkhawm.


# Zanikhan Prime Minister Modi chun COVID-19 le inzawmin State hran hran CM 13 hai chu video conference neipuiin Covid-19 do pei dan ding le 21 Days Lockdown hmang mek thlirna hai an nei. Hi meeting a hin CM tam lem chun Lockdown suksei tha an ti a,  Lockdown fe mek hi chawlkar 2 suksei dinga ti a nih.

# India rama Covid-19 cases confirmed po chu mi 8,453 (as on April 12 @10:30AM) an tling taa, mi 289 in an thipui ta bawk a nih. Liemtah darkar 24 sung khan case thar 909 lai zet a um a nih.

# India rama COVID-19 Stage 3 Community Transmission a la um naw thu chu Health Ministry in a puonga, mipui chiai lo ding le fimkhur taka um dingin an fui.

# India rama doctor le nurse hmang dinga Personal Protective Equipment (PPE) 7 Lakh a order lai 1 percent chau supply a la nih.

# USA ah darkar 24 liem tah sung khan COVID-19 leiin mi 2108 zet an thi, khawvel huopa nikhat sunga Covid leia thi tam tum tak record a la nih.

# Khawvel huopa Covid-19 cases hi 1,267,213 a tling taa, thi 108834 zet an tling ta bawk. Tuhin USA in hma a thuoi meka, cases confirmed hi mi 532879, thi 20597 an tling tah a nih.

# Academy of Military Medical Sciences han Wuhan khawpuia hospital pakhat Covid-19 invawi hai enkawlna room- ICU le general ward haia boruok/air sample an study na chun Covid-19 hrik hi metre 13 chena hla ah an um thei/vuongdar thei ti an hmusuok thu chu Emerging Infectious Diseases, a journal of the US Centers for Disease Control and Prevention (CDC) chun a tarlang.

Don't Miss
© all rights reserved
made with by Simon L Infimate