Cachar, March 9, 2020 (HT): March 7, 2020 khan Joypur Hmar Punjee (khuo), Cachar, Assam-ah hmun hran hran-a Hmar hnam ṭhuoitu iemanizat le Hmar khuo headman a tamlem fekhawmin Barak Valley Hmar Inpui inrawina hnuoiah Assam ram-a Hmar Autonomous Council ngenna fe mek le inzawma Indo-Hmar Talks, Assam Chapter inhrilhrietna le inrawntlangna phuisui taka hmang a nih.
Inkhawmna hi Hmar Inpui Gen. Hqrts. a inthawk President Pu Joseph R. Hmar; Pu Francis Songate, General Secretary; Pu Emma Pulamte, Jt. Secy le i/c HI Assam & Manipur region Pu Benjamin Shakum hai khawmin an uop a. Sinlung Hills Council –a inthawk Planning Board Vice Chairman Pu L.T. Hmar le mi pawimaw ṭhenkhat hai an ṭhang bawk.
Hun hmang sung hin Assam Peace Team member Pu Roger L. Joute, Pu Chawnghmunlur Varte le Pu Lalsawmpui Faihriem han Hmar Autonomous Council Assam-a concept le charter of demands hai an phawrlang a. Hmar Inpui General President, HI Assam Region i/c; Planning Board Vice Chairman, SHC le Barak Valley HI President le Advisor haia inthawk Hmar Autonomous Council (core & satellite) chungthua ei hamṭhatna ding le hnam damna ding a nih ti thlura thuhrilna hun an hmang
bawk.
Chun, Cachar Hills Tribe Headman Association Secretary le Ex EM, NCHAC Pu Lalzawmthang Hmar, Speaker HSA Assembly Secretariat Pu E. Lalringum Sanate, Barak Valley Hills Tribes Development Council Chairman, Pu Lalthomlien Hmar hai bakah Barak Valley HSA jt. hqrs. President Pu Lalmalsawm Ṭhiek; Barak Valley HNU Secy Pu Fimronghet le HYA ṭhuoitu haiin Assam Hmar movement sukhrat a ṭul zie le a pawimawna hai hrilin hmalâk dân ding thurawn pawimaw tak tak an phawrlang bawk. Hun tawp tieng Pu L. Rejoy, President, Barak Valley HI in “HAC 2020” thu kharna siemin secretary report Pu Lalthutlung Hmar a inthawk ngaithlak a ni a. Pu Lalzawmthang Hmar in Pathien kuoma ṭawngṭaina neiin HAC 2020 meeting chu suktawp a nih.
Inkhawmna hi Hmar Inpui Gen. Hqrts. a inthawk President Pu Joseph R. Hmar; Pu Francis Songate, General Secretary; Pu Emma Pulamte, Jt. Secy le i/c HI Assam & Manipur region Pu Benjamin Shakum hai khawmin an uop a. Sinlung Hills Council –a inthawk Planning Board Vice Chairman Pu L.T. Hmar le mi pawimaw ṭhenkhat hai an ṭhang bawk.
Hun hmang sung hin Assam Peace Team member Pu Roger L. Joute, Pu Chawnghmunlur Varte le Pu Lalsawmpui Faihriem han Hmar Autonomous Council Assam-a concept le charter of demands hai an phawrlang a. Hmar Inpui General President, HI Assam Region i/c; Planning Board Vice Chairman, SHC le Barak Valley HI President le Advisor haia inthawk Hmar Autonomous Council (core & satellite) chungthua ei hamṭhatna ding le hnam damna ding a nih ti thlura thuhrilna hun an hmang
bawk.
Chun, Cachar Hills Tribe Headman Association Secretary le Ex EM, NCHAC Pu Lalzawmthang Hmar, Speaker HSA Assembly Secretariat Pu E. Lalringum Sanate, Barak Valley Hills Tribes Development Council Chairman, Pu Lalthomlien Hmar hai bakah Barak Valley HSA jt. hqrs. President Pu Lalmalsawm Ṭhiek; Barak Valley HNU Secy Pu Fimronghet le HYA ṭhuoitu haiin Assam Hmar movement sukhrat a ṭul zie le a pawimawna hai hrilin hmalâk dân ding thurawn pawimaw tak tak an phawrlang bawk. Hun tawp tieng Pu L. Rejoy, President, Barak Valley HI in “HAC 2020” thu kharna siemin secretary report Pu Lalthutlung Hmar a inthawk ngaithlak a ni a. Pu Lalzawmthang Hmar in Pathien kuoma ṭawngṭaina neiin HAC 2020 meeting chu suktawp a nih.
