CCPur, March 16, 2020, Virthli (ONP): March 14 zana Saikawt a thiltlung le inzawmin HPC(D) GHQ chun a hnuoia ang hin hrilfiena a siem.
----------------------------------------
Government of Hmarram
Hmar People's Convention (Democratic)
Serve the Nation
General Headquarter: Sinlung
Tarik 14/03/2020 zana Saikawt, Zion Venga silai kan hmet-puok nasan:
1. HNA le HPC(D) Manipur Region hai ṭhang tlanga kan hotu iemani zat luman siemin thu an phierruk ti chieng takin, Manipur Region tienga 2 i/c Town Commander chellai zing, kan pawla hung inpetu bau ngei a inthawkin kan hriet a nih.
2. Kan cadre nilaizing, Sergeant sin chellaiin min phatsana HNA a zawm hi pawl dan kal a ni el baka, instructor a ṭhangin Saikawt khuoa inkulin kan hotu Mr. L.K. Hmar that tumin a in ngei ah ṭum hni lai a va ve chu mit ngeiin kan hmu a nih.
3. HNA hi Kuki Organisation(KNO) hnuoia pawl um ani a, HPC(D) Gen. Hqtrs. operation area(Hmar khuo sungah) inkula, ralthuom hai chelekin muongna le himna sukse zawngin hma an laka; an silai ngei khawm kan lak pek ta hnung le chuong thil ditum lo chu tawpsan dinga veltam kan hril hnung khawma lulul insuoa hma an lak zawm zing hi kan theida in kan remti naw a nih.
4. HPC(D) Gen. Hqtrs. chun Hmar le Hmar thisen insuo hi a nuom nawin, a tum ngai nawh. Amiruokchu, kan luman hiel siema, misuk riral tuma hma latu hma a ruok chu zaidaw kan tum naw ding a nih.
5. Mikawmaw le tangkasum leia mani hnam, khuo le tuihai inza lek lova khawsa(HNA) hai leia Saikawt mipui thlabar taka kan siem cheu kha pawi kan ti tak zet. Hi chungchanga hin Saikawt mipuihai chungah thupha kan chawia, Pathien hminga mi ngaidam dingin mipuihai kan ngen tak meu meu cheu a nih.
Hnama in ṭhahnemngaipui,
Sd/-
(SAKPU HMAR)
Town Commander
HPC(D) Gen. Hqtrs: Sinlung
Copy to:-
1. Hmar Inpui, General Headquarter.
2. (a) Saikawt V/A (b) Saikawt Val-Upa.
3. Hmar Christian Leaders Forum.
4. Hmar Women Association, General Headquarter.
5. Hmar Youth Association, General Headquarter.
6. Hmar Students’ Association, General Headquarter.
