Responsive Ad Slot

Hmar mi 4 in Bachelor of Divinity (B.D) le mi 2 in Ministerial Training for Women an zo

Sunday, March 1, 2020

/ Published by VIRTHLI
Pune/CCPur, March 1, 2020 Virthli (ONP): Union Biblical Seminary, Pune Convocation & Valedictory Service 2020 chu zani Feb. 29, 2020 (Inrinni) khan hmang a ni a, hi Convocation & Valedictory service a hin Hmar mi pali (4) in Bachelor of Divinity (B.D) graduation certificate an dawng a nih.

Tukum a Valedictory service a hin an rengin mi 166 an Graduate a, M. Th (Master of Theology) ah 37, B. D (Bachelor of Divinity) ah 48, M. Div (Master of Divinity) ah 61, B. Th (Bachelor of Theology) ah 12 le MTW (Ministerial Training for Women) ah 8 an graduate a nih.

Hmar mi graduate ei nei hai chu: 1) Johnny Laldinthar F Tusing, 2) HD Ramtharlawm, 3) Joshua Hrilsiemlien Buhril 4) Peter Lalhrietsang Infimate hai an nih.

Hi Graduation service a bawk hin Pu Johnny Laldinthar F Tusing (B. D) hin Award chi dang dang pariet (8) a dawng a, eini tlângmi laia ding le Union Biblical Seminary a ding khawma Award dawng rawn tak record a break a nih. A award dawng hai: 1. Overall Excellence in Academic Performance, 2. Church History and Missions, 3. Christian Ministry, 4. Contextual Theology, 5. New Testament Exegesis (Greek), 6. Old Testament Exegesis (Hebrew), 7. Preliminary Greek le 8. Biblical Studies hai an nih.

Chun, B. D zo hai bâka hin Hmar Christian Fellowship Pune members Pi Ruthi Darlong le Pi Ziki Darlong hai khawmin Ministerial Training for Women an zo ve a nih.

Lawmpui an um tak zet a, hmatieng peia hai Pathien ram lienna dinga hmangruo hlawk tak an hung ni pei ei beisei.
Don't Miss
© all rights reserved
made with by Simon L Infimate