New Delhi, March 31, 2020, Virthli(ONP): Nizamuddin, Delhi hmuna
Islamic missionary movement pawl pakhat Tablighi Jaamat hai inkhawmpuia a
thang Covid-19 leia thi le natna invawi tam tak hmusuok an nih. Hi
inkhawmpui hi March 13-15 sunga kha nei niin tam tak el tulai hri inleng
Covid-19 chu an inkaisawng hman. Hi huna hin ramdang mi 300 chuong zet
thanga hril le India ram state hran hran anthawk an fekhawm a nih. An
inkhawmpuina hmun an headquarter quest house Markaz Nizamuddin a hin mi
sangkhat chuong la umhai chu vawituk khan screening hai thawin,
thuoidawk vawng an nia, Delhi hmuna hospital dang dang ah test thaw ding
le sie hran an nih.
Hi
huna thang Covid-19 natna leia thi mi 9 (Telangana-6, Srinagar-1,
Mumbai-1, Karnataka-1) an tling taa, Covid-19 positive invawi Delhi a
ringawt khawm mi 24 chu zanikhan confirmed anni taa, vawisun mi 35
positive confirmed nawk an nih. State thenkhat a hai khawm hi
inkhawmpuia thang Covid-19 positive confirmed iemanizat an um ta bawk a
nih. Assam anthawk ringawt khawm hi inkhawmpuia thang hi mi 200-300 bawr
vel nia hril niin state sawrkar chun a zawngdawk tum tawl mek a nih.
Hi taka țhang tamtak chu an veng tieng hai pan hman le hmun dang dang sir kuol hman dam an lo um ta leiin mi tamtak an kaisawng hman ring ani baka, hi taka thang mi 2000 bawr vel hai hi an kai hman ring a nih. Sawrkar chun hi lai hmun hi a khar tawp tah a nih.
Hi taka țhang tamtak chu an veng tieng hai pan hman le hmun dang dang sir kuol hman dam an lo um ta leiin mi tamtak an kaisawng hman ring ani baka, hi taka thang mi 2000 bawr vel hai hi an kai hman ring a nih. Sawrkar chun hi lai hmun hi a khar tawp tah a nih.
