Silchar, March 25, 2020, Virthli (ONP): Dr. Rajdeep Roy, MP (Lok Sabha) Silchar le Dr. Vanlallien Pulamte, President, HNU, Assam hai chu inbiein, Covid-19 lockdown leia bufai fâk ding nei naw sungkuo iemanizat, Udharbond Block, Cachar, Assam huom sunga Hmar khuo ṭhenkhatah an umna thuah iengtinam mipui harsatna sukkieng ni thei a ta? tiin hriltlangna neiin hma an lâk zui nghal. Hi an inbiekna ang dungzuiin Deputy Commissioner, Cachar, Silchar thu inhriettir nghal a ni a. Cachar DC chun Udharbond Block Circle Officer kuomah thu pein, zinga hin Udharbond Block biel sunga Hmar khuo ṭhenkhat hai harsatna enfel dingin fêng a tih.
Assam sawrkarin Covid-19 lockdown hun sunga fâk ding nei naw ṭhangpuingaihai ṭhangpui dinga a hmalâkna chun Hmar khuo ṭhenkhata a harsa zuolhai khawm thangpui n'ing an tih. Madhura le a sevel a dâwr ṭhenkhat haiin bufai le nitin mamaw sawrkarin a rate a siem pangngai neka tama zawr an um ti hriet an ni ang dungzuiin zinga hin Cachar District Administration hotu ṭhenkhat hai a hmuna enfie dingin fe'ng an tih. A ṭul ang dungzui peiin Covid-19 lockdown leia Cachar a Hmar hai harsatna sukkieng dingin HNU, Assam, Dr. Rajdeep Roy MP (Lok sabha) le Cachar District Administration thuneituhai ṭhangtlâng dingin an inbiek.
Assam sawrkarin Covid-19 lockdown hun sunga fâk ding nei naw ṭhangpuingaihai ṭhangpui dinga a hmalâkna chun Hmar khuo ṭhenkhata a harsa zuolhai khawm thangpui n'ing an tih. Madhura le a sevel a dâwr ṭhenkhat haiin bufai le nitin mamaw sawrkarin a rate a siem pangngai neka tama zawr an um ti hriet an ni ang dungzuiin zinga hin Cachar District Administration hotu ṭhenkhat hai a hmuna enfie dingin fe'ng an tih. A ṭul ang dungzui peiin Covid-19 lockdown leia Cachar a Hmar hai harsatna sukkieng dingin HNU, Assam, Dr. Rajdeep Roy MP (Lok sabha) le Cachar District Administration thuneituhai ṭhangtlâng dingin an inbiek.
