Responsive Ad Slot

COVID-19 le inzawma Hmarkhawlien khawsunga mithi chungchanga VA thurel

Thursday, March 26, 2020

/ Posted by Simon L Infimate
Hmarkhawlien, March 26, 2020, Virthli(ONP): Tulai COVID-19 leia India ram lockdown sunga hmang ding Hmarkhawlien Village Authority chun mithi chungchanga hun hmang dan ding a hnuoia ang hin a rel.
---------------------------

Res No 1. dated 25/3/2020 Hmarkhawlien khawsung ah siettuok chungthuah Coronavirus (Covid-19) leia lockdown sung in mithi alo um pal chun tiin April 14, 2020 chena dingin Mithi Programme hmang dan ding hieng a hnuoia ang hin rel a nih.

a. Mithi Khawsunga vui ding hai chu a thi a inthawk darkar 4 sunga vui ding. b. Matti In a thucha hril dingin Kohran rawngbawltu pahni chau fe thei an tih.

b. Mithi in bul a mi 20 chen fekhawm thei an tih. Mithi in a inthawk metre 100 neka hlaa In nei hai fe phal ni naw nih.

d. Mithi le Thisen inzawm ngei, inzawmna hla met hai nilovin Area danga mihai fe thei an tih.

e. Khawsawt In leng um naw ni a, Thlan inhuon um naw nih. Khawsawt In ah pansak panthlang mi 10 (Sawm) chen inpan thei ning a tih.

f. Thlan cho mawphurna chu Mithi umna Area mawphurna ning ata, Area Val Upa le Tlangval hai char thlanmuol ah thlan cho dingin fe thei an tih. Thlan cho huna um bum lo ding kar neia sinthaw ding.

g. Kuong siem mi 3 bak um lo ding.

h. Thlan ah mipui 10 bak fe awilo (Mipui ti hin Rawngbawltu, Mithi sungkou hai tiem vawngin ning a tih)

i. Mithi hrim hrim an thina san indiktak enfel hnunga vui ning a tih.

j. Coronavirus natna leia thi ei lo um pal ani chun Sawrkar remruotna anga mithi chungthu hi sukfel ning a tih.

k. Mithi sawmdawlna hi a lakkhawm dan ding VA le Val-Upa in lampui remruot hlak an tih.

Lalthomlien Hmar
President

Lalhmunsang Hmar
Secretary

Don't Miss
© all rights reserved
made with by Simon L Infimate