PARBUNG, March 14, 2020, Virthli (ONP): Department of Health & Family Welfare hnuoia PMJAY le CMHT mass enrollment Camp ni 7 hun sûnga thaw ding chu March 12 khan Parbung, Tipaimukh Sub-Divisional Hqrs. ah țan a lo ni tah. Mass Enrollment Camp hi Taithu, Tuolbung, H. Maulien, Damdiei, Tinsuong le Pherzawl khuo a hai nei nîng a tih. Churachandpur a'nthawkin Pu Neisang, Social Worker, Pu Thangkiemlo Khawbung le HK Malsawmdawnglien ha’n mipui hmakhuo ngaina leia hi thil hi tlawmngaitaka an hung huoihawtpui a nih. Hi scheme hnuoia inzieklutna dinga Rs. 300-500 lai senga an lo buoipui pek hlak kha, tuva hun a ruok hin chu seng um lova buoipui pek an nih a. Chuleiin, mipui chun HK Malsawmdawnglien le a Teamhai chungah an lawm hle a, Parbung VA hai khawmin lawmthu hrilna ruoi an kil pui nghe nghe a nih.
AB-PMJAY Scheme le CMHT hnuoi a inziekluthai ta dingin Damdawi in a inenkawlna sengsohai chu Rs. 5.0 lakh le Rs. 2.0 lakh chen hmu kîr nâwk thei dinga ruongâm induonga um a nih.
AB-PMJAY Scheme le CMHT hnuoi a inziekluthai ta dingin Damdawi in a inenkawlna sengsohai chu Rs. 5.0 lakh le Rs. 2.0 lakh chen hmu kîr nâwk thei dinga ruongâm induonga um a nih.
