Parbung, March 19, 2020, Virthli (ONP): Department of Health & Family Welfare, Manipur hnuoia 7 Days AB-PMAY le CMHT Mass enrollment Camp I-Phase, Pu HK Donga & Team ha’n an buotsai chu tiem chin hunbi ni 7 sûng aw chu dt. 18.3.2020 khan a lo tâwp tah. Hi hun sûng hin Parbung le Taithu a chauh thaw hmanin a uma, mi 844 hai chu zieklut hman an nih a, Card-hai khawm pêk nghal an nih. Hi hun sûnga khuo dang hieng; Tuolbung, H Maulien, Damdiei, Pherzawl le Tinsuong a hai thaw hman an ta nawna thuah mipuiha’n lo hriethiem dingin Pu HK Donga & Team-ha’n VIRTHLI Online News Portal fethlengin ngênna (appeal) an hung siem. Hun bithliek ni 7 sûng siema um ani el khêlah, Internet connectivity server ṭhat tâwk naw leia zo hman lo ani thu an hrila. Khuo dang la lût naw na hmun hai hi II-Phase a thaw dingin hma lâk nâwk ngei an tum thu dawng a nih.
