Responsive Ad Slot

VA KÛTPUI LE HYA FOUNDING DAY HMANG DING

Saturday, February 15, 2020

/ Posted by Simon L Infimate
Hung tlung ding Tarik 5-7 Thlatau (March) 2020 khin Doiheng khuo, NC Hills, Assam-ah ropui taka Va Kûtpui, HYA Founding Day le HYA Conference hmang ning a tih.

Doiheng khuo hi N.C Hills a ding chun Vate Khuolzin (Migratory Birds) hung rawnna tak ani a, N.C Hills a ding chun khuo upa pawl tak a nih. Retzawl a inthawka kilometer 5 (nga) Retzawl-Amranagar (Ngaibanramthar) lampui a um a nih. Sawrkar in Tourist Lodge le Bird watching Centre hai khawm a lo bawl ta a, amiruokchu a hmuna um hai naw ding chun hriet a hlaw naw hle a, HYA chun hilai hmuna VA KÛTPUI hmanga khawvel hrieta suklar thar a tum a nih.

Ni 5 hi, tlungkimni ning ata, ni 6 khi Va Kûtpui a hmangin ni 7, March 2020 hi HYA Founding Day -cum-Conference a hmang ning a tih.

Hi huna thang ding hin Va Kûtpui Organising Committee le HYA NC Hills Joint Headquarters chun mitin a fiel a, HYA General Headquarters thuoitu hai, Sawrkar mi pawimaw hai, hnam a mi pawimaw tak tak haiin hi hun hi an uop dinga beisei a ni bawk.

Hi hun a ding hin Lucky Coupon khawm siem ani a, tlawmngai a lo la seng dingin Organising committee chun mitin a fiel mawl mawl a nih.
Don't Miss
© all rights reserved
made with by Simon L Infimate