Responsive Ad Slot

Independent Church of India Kristien Ṭhalai Pawl 36th General Conference Day-2

Sunday, February 16, 2020

/ Published by Simon L Infimate
Zairawn, February 15, 2020, Virthli (ONP): Independent Church of India Kristien Ṭhalai Pawl Inkhawmpui Lien a vawi 36-na (February 14-16, 2020) Zairawn, Jiribam Presbytery a hmang mek a um chu vawisun khan a ni hnina hmang zo a lo ni tah. Sun le zan inkhawm huna Upa Evan John, Associate Evangelist-at-Large, ICI le Rev. B.L. Sandam, Secretary, Finance ICI han Conference thupui "I vanglai nihaia chun nangma siemtu che chu hrezing rawh" (Thuhriltuhai 12:1) ti thupuia hmangin Pathien thucha ropui tak tak el an hril. Hi huna hin H.P. Runremthang, YCO in KṬP Common Subject 2020 " Vanglai Meiser" a tlangzar a, sun inkhawm tin chawhnung dar 1:00 PM ah General Conference rorelna nei a ni a, hi huna hin Presbytery hran hran le City Church a Palai 148 fekhawm ha'n ro chi tum tum an rel.


Inkhawmpui Lien a ni hnina hmang ani huna hin Aizawl Presbytery Choir, Assam Hills Presbytery Choir, Cachar Presbytery Choir, ICI Central Choir le Rev. Thangngur Music Awardee hai anthawk inpakna hla hai ngaithlak a ni a. Zan inkhawm ṭinin Thangngur Music Award 2020 competition nei a ni a, Presbytery tin aiawa thlangsuoka um hlasakthiem mi 12 ha'n hlaa inruolsiekna an nei a, NTK Mission Field a hlasakthiem tak tak hai khawma hi huna hin hlaa inruolsiekna an nei ve.


February 16, 2020 dar 10:00 AM hin la um ngai zen zen ngailo, biel po po huopin a ruolin hmunkhat ah KṬP Day ursun takin hmang ning a ta, Presbytery tin le City Church a haia KṬP Ṭhuoituhaiin Flag keipharna nei an ta, ursun takin KṬP Day hi hmang ning a tih.

Don't Miss
© all rights reserved
made with by Simon L Infimate