Responsive Ad Slot

ONLINE SHOPPING FRAUD: KHAWLAM I COMPLAIN DING?

Wednesday, February 12, 2020

/ Posted by Simon L Infimate
A. THUHMATHUOI

Whatsapp, Facebook, Google, Online banking, Email, PoS, Internet banking, VoIP, ATM card, Smartphone, IPDR, Mobile banking, PIN, OTP, SIM card, IMEI, Online market site le Shopping DISCOUNT hai hi ei thil sopui hai an ni tah.

Tulai thuomhnaw, thangthar nitin tul le mamaw le hmangruo thalem a tamlem chu ei khuo le vengah ei zuk hmu el thei naw hun a um hlak. Chuleiin ONLINE a tul le mamaw inchawk ei hung chieng tan a. Thangthar hai chun inelna takin ei hmang ta nghe nghe.

Amiruokchu, online market sirsana thuomhnaw inchawtu a thawfu deu le thawfu raklo ei umnuol. Nikum khan online shopping site le inzawma mi hlem hlaktu tamtak Assam, Manipur, Meghalaya le Tripura ah man an nih. Ei fimkhur nawk zuol theina dingin online market shopping le inzawma inhlemna laka fimkhur dan ding zuk tarlang met ka ti ie!

B. ONLINE MARKETS

Online bazar inlar deu deu thenkhat hai zuk tarlang ei tih

1. Flipkart

2. Amazon India

3. SnapDeal

4. Myntra

5. Jabong

6. HomeShop18

7. Shopclues

8. FirstCry

9. Yebhi

10. Ebay

11. Mobikwik

12. Paytm Mall

13. Localbanya

14. One97Com

Ei thil mamaw tamtak a chunga online bazaar site a khin incha thei a nih.

C. ONLINE COURIERS

Online market a thuomhnaw ei incha hai ei umna hmun chena hung thaktlungtu courier service inlar deu hai zuk tarlang bawk ei tih.

1. DHL

2. DTDC

3. BlueDart

4. FedEx

5. TNT

6. Aramax

7. e-Cart

8. ShipRocket

9. EComExpress

10. Xpress Bees

11. Delhivery

12. First Flight

13. Myntra logistics

14. Ship Karo

15. Go Javas

Online market website a thuomhnaw zawrtu hai kuoma inthawk a thakna hmun local courier service office ah thuomhnaw consignment master seal a tlung phawt a. Chu huna chun thil pahni ngaiven chi a um. Chuong hai chu

1. Consignment Batch No. le

2. Consignment Shipping ID an tih.

Thuomhnaw phurtu courier service hi courier manager, supervisor le delivery boy haiin an enkawl a. Thlatin Rs 8,000 to Rs 15,000 an hlawphak tawl.

Courier manager in online thuomhnaw hai chu Tracking Order enin a thaktu ding area tina delivery boy hai kutah an hlansawng nawk hlak. Courier hin Whatsapp Group a nei a. Thuomhnaw thakna ding hmun, an chawtu an va pek dingpa/dingnu contact address le number chen an nei. Thuomhnaw inchatu in online thuomhnaw a lo hmu pha delivery boy mobile annawle register lekhabu ah signature a thaw hlak. Chu signature chu delivery courier service in online thuomhnaw market hai zuk thawnin thuomhnaw kha an thaktlung ngei ti an zuk hril hlak. Chu zo chi chun thuomhnaw zawrtu online market le courier chun thuomhnaw inchatu chu SMS le email hmangin, "I thuomhnaw incha kha kan thaktlung tah", tiin an zuk hril hlak. Courier in thuomhnaw inchatu an va hmu naw khawma an hmu naw thu courier in online market site hai an zuk inhriettir bawk.

Local courier le logistics dudak raklo chu online market haiin an hung hriet vawng kher nawh. Chuleiin a dukdaklo dam an lo um chun online market hai zuk complain thei an nih.

Online order thaw pha Delivery mode a khan option delivery cart option a um chun courier tha thlangfuk a pawimaw. Option a um naw chun courier in a i hmang local delivery boy fello deu le thuomhnaw thalo hung thaktu chu SMS/email in online market le an courier head office hai kuoma complain thelut thei a nih.

Registered courier popovin area wise in delivery boy an nei. Home delivery tisi a inah an hung thaktlung naw chun CHEATING case inawrtir thei an nih. Kum thum neka tam jail intang theina a nih. Online market place hieng Amazon le Flipkart, etc hai against khawma FIR chen an lo file tah.

Delivery fraud

Local courier hai delivery boy thenkhatin online thuomhnaw mi order hai an chawtu kuta an thaktlung hmain original parcel tuomna suksie in order thuomhnaw ang char thuomhnaw dang quality thalo parcel thar ah thunin an re-package thei a. Original angin an thak thei. Chuleiin online a incha parcel hmu pha parcel opening lai tak kha video recording thaw a tha. An naw khawma courier office a CCTV hnuoia  ngei parcel kha hawng thei chun thuomhnaw a him hlak. Online a thuomhnaw order a bat bata an lim le an package lim nei a tul veve. Courier delivery boy a kuta inthawk parcel hmu pha parcel hawng charin thuomhnaw item lim le online thlalak thataka check thei a nih. Hawng hma, hawng lai delivery boy hmabula ngei recording thaw kha nakie tieng a tangkai hlak. Item description chen ngai thupui a tul. Thuomhnaw incha chi kha pek ei ni le ni naw check a pawimaw. Hmarkhawlien Rengthei order sia Jatinga rengthei an hung thun el thei ti hriet a tul. Fimkhur hle tum ei tiu.

Rengthei ei order khawma HKL rengthei ngei, Pi Hnemi in thataka a pack ngei ti ang deuva uluk a tul. Ditlo chu return thei a nih.

Duplicate mi pe tum siin, an thawnkir pha a tak tak tho an return chun online market haiin an chawtu hai delivery boy in a tehlem lem an pek tum ti kha an hung hrietphak ngai ta nawh. Hmun thenkhata chu Delivery boy thenkhat le local area a thuomhnaw dawr neitu thenkhat hai hi doubtful fraud players an nih.

Online shopping ei thaw pha thuomhnaw order-na haiin online a thuomhnaw inchawtu hai kuoma local courier hming le contact dan ding an zuk inhriettir hlak. Courier in an chawtu chu online thuomhnaw a thakna ding hmun le thak ni an hriettir a. An chatu in a thuomhnaw incha a hmu pha signature a sign hlak. Chun online thuomhnaw a tlung pha online a order chu hmu an ta thu le sawiselna chen online site hai zuk intlun thei an nih.

Online order-na hin thuomhnaw an nei remchangnaw hun a um a. Mi dang ta inchawsawngin inchatu hai an thawn thei. Anachu a thalo an thawn nuom nawh. An inchawksawngna haiin a thalo an lo thawn khawma online order-tu in a orderna site hai a zuk hril thei. Thuomhnaw inchana online market in an chawksawngna le an courier service thil umdan an zuk hril thei a, local courier chen enquiry an hung thaw thei. Local carrier delivery boy in a sukchingpen khawma online thuomhnaw order-na market hieng Amazon le Flipkart, etc hai zuk intlun thei a nih. Local courier le an agreement an suktawp thei. Local courier an zuk hal thei a. Local courier in an area delivery boy an suspend thei, an terminate thei bawk. Fraud chu local area ah an thaw tlangpui. Delhi thuomhnaw inchawka inchawk kha Fulertal a mi an lo pek che dam a ni el thei a ni uo. Fimkhur a tha.

D. ONLINE PAYMENTS

India a hin bank accounts nei mi 150 crore lai ei um a. 1 crore chu lakh zakhat a nih. Chun ATM debit card hmang 82 crore bawr ei nih. Mi 29 crore in credit cards ei hmang bawk. Wallet le UPI PIN hmangtu tamtak ei um.

Online Bazar a thil inchaw haiin a hnuoia hai khu hmangin online thuomhnaw ei incha hai man ei pek tawl hlak:

1. Cash on delivery (57%). Thuomhnaw in a tlungna ding hmun a tlung pha a man pek chau ding.

2. Prepaid ATM Debit card (15%). Bank ATM debit card details hmanga online a sum lo thunlut tina a nih. Mi dang ATM card, PIN le mobile number lo hmangsuol theina a nih.

3. Prepaid Credit card (11%). Bank ATM credit details hmanga online a sum lo thunlut tina a nih. Mi dang credit card, PIN le mobile number hmangsuol theina a nih.

4. Prepaid Internet banking (9%). Bank website hmanga sum thawn tina a nih. Mi dang Password, User ID le mobile number hmangsuol theina a nih.

5. Digital wallet (8%). Pocket wallets hmanga sum thawn tina a nih. Mi dang Password le phone number hmangsuol theina a nih.

6. Gift voucher (5%). Mi dang wallet hmangsuol theina a nih.

7. BHIM UPI payment. Mi dang UPI PIN hmangsuol theina a nih.

8. EMI money transfer

E. ONLINE ORDER ID

Online market neitu haiin thuomhnaw inchawtu hai kuoma Order ID, Tracking ID le thuomhnaw phurtu courier service hai contact number SMS/email in an pek hlak. Chu chu sirsanin thuomhnaw incha a um hai chu an chatu in a lo hmu hlak. ORDER ID hi hriet ding pawimawtak a nih.

Order ID a hin thuomhnaw inchawkna hmun, incha ni, inchana haiin an order ni, inchana haiin an lo nei remchang naw chun a zawrtu kuta an laksawng ni, thuomhnaw hung phurtu COURIER SERVICE hming, an phone number le address, thuomhnaw thakna ding hmun, INCHAWTU le thakna ding CONTACT NUMBER le address hai inchuonsa an nih.

Thuomhnaw PHURTU address, contact number le TRACKING NUMBER hai thuomhnaw inchana ONLINE MARKET PLACE in thuomhnaw inchawtu phone number ah SMS in an zuk inhriettir a. An chawtu email ID a khawm an hril hlak. Thuomhnaw thaktu delivery boy hming le phone number chen SMS or phone in an hril hlak.

F. DIGITAL WALLETS

Online shopping thawtu tamtakin digital payment wallets hmangin online in sum an seng tah.

Pocket wallet inlar thenkhat hai chu

1. Paytm

2. Mobikwik

3. Google Pay

4. PhonePe

5. AmazonPe

6. SBI Yono

7. FreeCharge

8. Airtel Money

9. Jio Money

10. PayPal

11. Make my Trip

12. Trivago

13. IRCTC

G. STATE BANK OF INDIA

SBI bank account debit card annawle SBI credit card hmanga online thaw leia hlema i um chun a hnuoia email a khun i sum hmukir dingin complaint i thelut thei. Amiruokchu, chu hma chun Bank ah fe phawt la, charge dispute form fill up hmasa rawh.

email ID:

unauthorisedtransaction@sbi.co.in

Or

chargeback@sbicard.com

I complain theina san

-I bank account le ATM card mi dangin an hmang leia i sum a lo hekpal a ni chun

-Online site-a an thil inhmutir che le an hung thak parcel sunga an thunlut a lo inang naw pal chun

-Annawle i thuomhnaw online a i order kha i hmu naw leiin CHARGEBACK complaint i thelut thei tah. Hi hi bank a inthawka refund hmu theina FIR ang a nih.

Banking Ombudsman

Assam a um hai ta dingin RBI office, Paltan Bazaar ah BANKING OMBUDSMAN office a um. Chu taka chun SBI hai i zu complain thei. Bank Branch ah complain i thelut ni a inthawka 30 days zova Banking Ombudsman intlun thei a nih.

An email ID chu ems.boguwahati@rbi.org.in

I sum i la hmukir vawng ding a nih.

SBI customer hai chun a hnuoia hin complaint form hmu thei a nih:

https://cms.onlinesbi.com

H. CONSUMER COURT

I thuomhnaw kha a manhu cheng 20,000 neka tlawm a ni chun a hnuoia hriet ding hai khu sukfelin Consumer Court ah complaint thelut thei i tih

1. Online site a i contact number peklut

2. I email ID thelut

3. I thuomhnaw inchawk tum

4. Product ID

5. Order ID

6. Tracking ID

7. Date of Order

8. Refund prayer

National Consumer Helpline

Call 1800114000

Or

SMS 8130009809

Or

Email core.nic.in

I. COMPLAINT BOX

Online shopping le inzawma harsatna nei haiin online market site kuoma complaint an thelut theina email ID thenkhat hai zuk tarlang ei tih:

1. Amazon

security@amazon.com

Recruiting-Fraud@amazon.com

cs-reply@amazon.in

2. Paytm

CyberCell@paytm.com

3. Flipkart

cs@flipkart.com

4. SBI

unauthorisedtransaction@sbi.co.in

5. Mobikwik

fraudalerts@mobikwik.com

6. PhonePe

support@phonepe.com

7. IRCTC

care@irctc.com

8. One97

info@one97.com

A chunga email ID hai khi thuomhnaw inchawtu email ID a inthawk zuk contact thei an nih. Fraud thu le inzawm lem chu an hung dawn inrang. Tukhawm hmingsie ei nuom nawh.

J. TWITTER

Online shopping hlak hai khawma TWITTER account hmangin an harsatna complaint online market kuoma an peklut thei. Hung ngaiven nghal an tih.

Twitter a complaint theina hmun hai chu a hnuoia hin ei hung tarlang

1. Paytm Cyber Cell

2. SBI

3. India Post

4. SBI Card

5. IRCTC

6. Make My Trip

7. Jio Care

8. Indigo

9. Spicejet

10. Delhi Police

11. Mumbai Police

12. Flipkart

13. Snapdeal

14. Amazon India

15. One97

16. ICICI Bank Cares

17. HDFC Bank Cares

18. Max Life Insurance 19.

19. SBI Life Care

20. Jharkhand Police

A tawp takah Police ah FIR thelut thei a nih.

K. THUKHARNA

Social network hin sin a suk awlsamna a tam. Hotulien tamtakin ei beidawngna le harsatna an ngaivenna hmun a nih.

Online markets in contact theina website, email ID le social networking site an nei a. Thuomhnaw incha theina an ni a. Incha ta hnung khawm cancel theina an nih. Complaint thelut theina an ni nghal. A thanaw ei ti hai thawnkir theina an ni a, an chawtuin refund a hmu theina hriemhrei a nih.

Online market tak tak Amazon, Myntra, Flipkart, AutoFurnish, Paytm Mall, Jabong, etc hai chun uluk takin local a in-partnerpui courier service tha an nei. An brand sukhmingsie thei ding an inruolpui nuom nawh. Sum hlawk el kha an dit nawh. Market tha an dit a. An lo hek de khawma indikna an hnawt tawl. Long term market hlusip a, thuomhnaw tha online-a zawra hlawk an tum seng.

Online market le an local partner courier service hai kara  agreement chu Home delivery a nih. Local courier in thuomhnaw inchatu kuoma a va thaktlung thei naw chun thuomhnaw inchatu in courier hai partner online market site ah complain thelut thei a tih.

Online thuomhnaw hi market site puitling genuine site a mi cho order hlak ei tiu. Online shopping website tak tak a chu "https" ziekna po kha rawng hringin an ziek hlak. Caplock a um bawk.

Fake website khawma ramtin an zawr ve thei. Amiruokchu, courier puitling inmatpui an nei nawh. "In thuomhnaw hung la ro" policy an thlang lem hlak. Hieng hai laka hin fimkhur ei tiu.

Online market place hai biek theina communication thatak hieng contact number le tracking ID ngaiven hlak ei tiu. Cancellation, return le payment hmukir nawk theina site a char online shopping thaw hlak ei tiu.

Happy online shopping!

-Ziektu

Dada le Jojo-Pa,
Hmarkhawlien, Fulertal, Lakhipur, Cachar, Assam
Don't Miss
© all rights reserved
made with by Simon L Infimate