Hi huna Dr. Chaltonlien Amo, Tipaimukh MLA in thu a hrilna a chun naupang hai inchuktirna a hin zirtirtu ha'n mawphurna lientak an nei thu le zing el a Hnam, Khawtlang le Kohran thuoitu la ni ding inchuklaihai inchuktirna kawngah thahnem ngai nawk zuola an sin hai tha taka thaw dingin an fui tawl a. Mani thawkna hmun a um pei lo le lut peilo hai chu transfer pei an ni ding thu le a biel sunga inchuknahai siemthatna sin thawa hma a lak ding ani leiin mani thawkna hmuna um peilo ha'n lo hriethiem el dingin a hril tawl.
A hril peina a chun zirtirtuhai hai chu support inpetuoa ram siemthatu ding an ni thu, naupang inchuklai rethei le pasie tamtak hai umna rama um an ni leiin a siemtu ding hai an ni zie hre a an mawphurna hai hlen tum seng dingin a hril a. An thawkna ding hmun a hai um phawt el dingin le an mamaw le a tul hai chu sawrkar ah ngiet le ngen pei thei ani thu a hril a. Manipur Assembly inthung um ding a hin Education Department le staff chungchang nisien nasataka khekpui le hma lak a tum thu hai a hril.
Hi huna hin Tipaimukh Block sunga Govt. School a haia pawlsawm exam ding mek inchuklai hai ta dingin nasataka hma lak mek ani thu hi hunser huoihawt tuhai chun an hril a, thawktu han harsatna an tuok hai hriltlangin bieltu MLA kuomah an lo intlun bawk. Program hmang ani zoin ruoi kiltlang niin hun suktawp a nih.
